Mbafilipi 1:15 - ICIGHAN BIBILO

¹⁵ Mbagenev mba pasen kwagh u Kristu kpa ka sha iwuhe man ahendan, mbagenev di yô, ka sha mimi ve lu pasen ye.

Mbafilipi 1:15 Iomraidhean Croise

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 11:20

Kpa mbagenev ken ve lu ior mba Shiperu man Shirene; mbala zum u ve va ken Antioki yô, ve za ôr kwagh a Mbagrika kpaa; ve lu ôron Loho u Dedoo u Ter Yesu.

Aerenakaa A Mbaapostoli 5:42

Hanma iyange kpaa ve lu gban uwer ga sha u tesen man u ôron ken tempel man ken uya er Yesu ka Kristu.

Aerenakaa A Mbaapostoli 8:35

Filibu bugh zwa, hii hen ivurugh ki icighanruamabera kila je, gba ôron un kwagh u Yesu.

Aerenakaa A Mbaapostoli 8:5

Filibu kar za ken gar u Samaria, za ôr ve kwagh u Kristu.

Aerenakaa A Mbaapostoli 9:20

A tsa a mbahenen mba ve lu ken Damaseku la anyangem kpeghee, maa a gba pasen ken ushinagoge er Yesu ka Wan u Aôndo je.

Mbaromanu 2:8

Kpa mba ve hembe wan ayol a ve iko, ve hembe mimi ato ve gem ve ongo imo i iferkwagh yô, Una na ve iyugh man ishima i vihin.

1 Mbakorinte 1:23

Kpa se yô, se mba pasen kwagh u Kristu u i mande Un sha terankon; Mbayuda yô, ka kwagh u nan ve gbev mbu nôngon je, man atôatyev yô, gema ka ve ibumekwagh je.

1 Mbakorinte 13:3

Man aluer mea gema akaa a m lu a mi cii, mea kar mbagenev shin aluer mea na iyol yam mer, i̱ nandem sha usu kpaa, mea lu a dooshima ga yô, á lum a inja sha ma kwagh môm môm ga.

2 Mbakorinte 1:19

Gadia Yesu Kristu Wan u Aôndo u se ôr ne kwagh Na la lu mo man Siluanu man Timoteu, lu “een” vea “ei” imôngo ga, kpa ken a Na yô, lu “een” vough.

2 Mbakorinte 11:13

Ambaaior la yô, ka mbaapostoli mba aiev, ka mbatomov mba icughuv, ka ve gema ayol a ve er ka mbaapostoli mba Kristu nahan.

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

2 Mbakorinte 4:5

Gadia ka kwagh wase se lu ôron ga, kpa ka kwagh u Kristu Yesu, er A lu Ter yô, man se ayol a ase yô, se mba mbaeren ne tom sha ci u Yesu.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.