Mbafilipi 1:11 - ICIGHAN BIBILO

¹¹ né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 1:11 Iomraidhean Croise

Upasalmi 1:3

Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

Yesaia 5:2

a kaha u, a sange awen ken u kera, a lôô ikon i wain i hemban doon cii ker, a maa gôgôyou u taven her atô u u, man a time ihungwa i shoghol wain shimi, A ver ishima er ua ume atam a wain a dedoo, kpa u gema u ume atam a bo.

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

YOHANE 15:8

Ka kwagh ne a ne Terem icivir ye, ka u ne ume atam kpishi la, man ne hingir mbahenen Av ye.

Mbaromanu 15:28

Nahan zum u me kure kwagh ne me za na ve kwagh u i kohol la yô, me kar ken ven man me za ken Ishpania ye.

Mbaromanu 6:22

Kpa hegen yô, i pase ne sha ikev i isholibo kera i tuhwa ne, ne gema ne hingir ikpan i Aôndo, injar yen yô, ka mtsegh, man mkur yô, ka uma u tsôron.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

2 Mbakorinte 9:10

Un u A ne ortanivor la ivor, shi A lu nan bredi sha ci u kwaghyan la yô, Una na ne ivor i tan, Una seer i, shi Una seer atam a perapera wen kpaa,

Mbaefese 1:12

Ka sha u se̱ lu sha ci u icivir i iengem Na, se mba lu se vande veren ishima u keghen Kristu la.

Mbaefese 1:14

Ka Un man A lu ibumun u dyako wase er Una paa ior mba ve lu kwagh Na jim sha ci u icivir i iengem Na ye.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

Mbafilipi 4:17

Nahan kpaa ka iwua m keren ga kpa m ngu keren atam a ngeen sha ci u mtsera wen.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

2 Timoteu 1:12

sha u á civir iti i Ter wase Yesu Kristu ken a ven, ne di kpaa i̱ civir ne ken a Na, sha injamlu i mrumun u sha mhôôn u Aôndo wase man Ter Yesu Kristu.

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Mbaheberu 12:11

Hanma mkôôm yô, sha shighe la ka i bee er ka kwagh u iember ga, kpa i lu kwagh u ijungwen, kpa ken masejime yô, ka a ume atam a perapera bem bem sha ci u mba i tsaase ve a tsaase sha mi la i var ve yô.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Peteru 4:14

Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô.