Mbafilipi 1:10 - ICIGHAN BIBILO

¹⁰ sha er né kar né fa akaa a a hembe lun a inja yô, nahan né lu wang né lu a acôghol a wan iyol ga sha iyange i Kristu,

Mbafilipi 1:10 Iomraidhean Croise

Genese 20:5

Kera ka un iyol na a kaa a mo er: Ka anngôm u kwase ye gaa? Shi kwase iyol na kpaa a kaa er: Ka anngôm u nomso je. Yô, ka sha ishima i gbar gbar man ave am a wang m er kwagh ne ye.

Yobu 12:11

Togh ka ku kar kwaghôron, er zwa kpaa ka u bende u kav mnyoho u kwaghyan u u nahan gaa?

Yobu 34:3

Gadia togh ku kar kwaghôron, er zwa u benden kwaghyan nahan.

Mika 3:2

ne mba ne ker kwagh u dedoo ihom man kwagh u bo a gem a doo ne, ne mba ka ne hua ior kwavyolough kera, kua inyam ve kpaa sha akuhe a ve kera;

Mateu 16:23

Kpa A gema ashe a kaa a Peteru er: Hirem ken ijime kera, Satan, u ngum kwagh u nan gbev mbu nôngon, gadia u we iko sha akaa a a lu a Aôndo ga, saa a ior tsô.

Mateu 26:33

Kpa Peteru gema kaa a Na er: Shin er ve cii á na ve anzughul sha kwagh Wou kpaa, mo yô, mayange á nam anzughul ga!

YOHANE 1:47

Tsô Yesu nenge Natanael ngur van her a Na yô, A ter un a kaa er: Nenge, mimi je, ka or u Iserael u ma icugh i lu ken a na je ga yô.

YOHANE 3:20

Gadia hanma or u nan eren kwaghbo yô, ka iwanger je nan vende ye, man shi nan ve hen iwanger kpaa ga, sha u i̱ de vende aeren a nan ga yô.

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 12:9

Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Mbaromanu 16:17

Anmgbianev, m ngu wan ne kwagh mer, mbala mba ve lu van a mbampav man ameen, i lu sha ityesen i i tese ne la ga yô, palegh nen ve.

Mbaromanu 2:18

shi u fa ishima Na, shi u karen akaa, u fe a a hembe lun a inja yô, gadia mba tesen we kwagh u ken atindi.

Mbaromanu 7:16

Aluer ka kwagh u a sarem ga la je m eren yô, m ngu rumun er tindi a lu kwagh u doon yô.

Mbaromanu 7:22

Or u ken a mo u ker atô la ngu rumun atindi a Aôndo saan saan je.

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

1 Mbakorinte 1:8

u Una taver ne zan zan mkur sha u né kera lu a acôghol iyol sha iyange i Ter wase Yesu Kristu la ga yô.

1 Mbakorinte 10:32

De ne nen Mbayuda anzughul ga shin Mbagrika shin nongo u Kristu u Aôndo kpaa ga,

1 Mbakorinte 8:13

Nahan yô, aluer kwaghyan una hingir ityôkwagh i nan anmgbian wam gbev mbu nôngon yô, mayange me kera ya inyam ga, sha u i̱ de ne anmgbian wam gbev mbu nôngon ga yô.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 2:17

Se mba zenden kpenga a kwaghôron u Aôndo er mbagenev kpishi ve eren nahan la ga, kpa se mba ôron kwagh ken Kristu sha mimi, ka er mba Aôndo A tindi ve nahan man ka sha ishigh ki Aôndo kpaa.

2 Mbakorinte 6:3

Se mba nan ityôkwagh i nôngon gbev sha ma gbenda môm je ga, sha u i̱ de teren tom wase sha kwagh u dang ga yô,

2 Mbakorinte 8:8

M ngu ôron kwagh ne ka sha u wan a wa tindi ga, kpa m ngu tôôn ishimaveren i mbagenev m ngu karen mimi u dooshima wen a mi.

Mbagalatia 5:11

Mo yô, anmgbianev, aluer mea lu yôôn kwagh u icôngo heregh yô, ka nyi man shi i lu tôvon mo a icana? A lu nahan yô, kwagh u nan anzughul sha terankon yum la, ma a kera lu ga.

Mbaefese 4:15

Kpa er se luun ken mimi sha dooshima yô, sé vesen sha akaa cii ken Un u A lu ityough, ka Kristu je la.

Mbaefese 5:10

Karen nen faan nen kwagh u a doo Ter ishima yô.

Mbaefese 5:27

sha u Una ver nongo Na sha ishigh Nagh, u̱ engem u̱ de kera lu a ahuar shin adivir shin mô u ken ambaakaa la kpaa ga, kpa u̱ lu ken mtsegh, u̱ de lu a acôghol iyol ga.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

Mbafilipi 1:16

Mban yô, ka sha dooshima gadia ve fa er i verem sha ci u mpaleghyol u Loho u Dedoo yô.

Mbafilipi 1:6

M fa dedoo mer Un u A hii tom u dedoo ken a ven la Una za hemen u eren u zan zan iyange i Kristu Yesu.

Mbafilipi 2:16

né taan iwanger ken ve er asan a wanger nahan; kusu nen kwaghôron u uma la gbang gbang, i̱ lum kwagh u tan ihagh a mi sha iyange i Kristu, sha u zende wam u̱ de lu u gbilinigh ga, tom wam u sha gbashima la kpaa, u̱ de lu u gbilinigh ga.

1 Mbatesalonika 3:13

sha u Una taver asema a en, a̱ de lu a acôghol a wan iyol ga ken icighanmlu sha ishigh ki Aôndo Ter wase sha m-ande u Ter wase Yesu kua uicighan Nav cii kpaa.

1 Mbatesalonika 5:21

Kpa karen nen akaa cii, kôr nen u dedoo la gbang je.

1 Mbatesalonika 5:23

Aôndo u bem iyol Na, A̱ tsegha ne wang jimin cii, ma i kor jijingi wen, man uma wen ken ishima man iyol yen cii purututu, ve̱ de lu a ma acôghol a wan iyol je ga sha m-ande u Ter wase Yesu Kristu.

Yosua 24:14

Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.

Mpase U Yohane 2:2

M fa aeren a ou man tom wou u sha ican kua ishima i taver you, man shi er u fetyô u rumun aferaior ga, kpa u kar mba ve yer ayol a ve er mbaapostoli, kpa i lu nahan ga la, u nenge ka mbaaiev.