Mbaefese 5:3 - ICIGHAN BIBILO

³ Kpa idya man hanma inja i hôngorough kua hua u eren yô, u teren tsô kpaa, de teren her a ven ga er i kom uicighanmbaiorov yô.

Mbaefese 5:3 Iomraidhean Croise

Upasalmi 10:3

Gadia orifer ka a ta ihagh sha kwagh u isharen i ken ishima na, a ver oreren hua doo doo, a gema a laha TER.

Upasalmi 119:36

Goom a ishima yam ken mbampase Ou, i̱ de luun sha mtsera u bo ga.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Anzaakaa 28:16

Ititor i i lu a mkav ga yô, ka zegeipiraor kpaa, kpa or u nan vende mtsera u bo yô, ayange a na aa seer sha won.

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Levitiku 15:18

Man kwase kpaa u nom a yav a nan a vese nan yô, ve uhar cii, ve̱ ôô iyol sha mnger, vea kera lu wang ga zan zan iyange ia kar been.

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Numeri 25:1

Zum u Iserael lu hen Shitim la, ior hii u eren idya a ônkasev mba Moabi;

Mateu 15:19

Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Luka 12:15

Tsô A kaa a ve er: Ver nen ishima, kura nen ayol a en sha hanma hua; gadia ka sha u ngeen a akaa kpishi la man or nana lu a uma ga.

Luka 16:14

Mbafarishi mba inyaregh doo ve kpishi, mba ongo akaa ne cii yô, ve gba nahan Un tar.

Aerenakaa A Mbaapostoli 15:20

kpa se nger nen ve kwagh ser, ve̱ nyagh ihôngor i akombo, man idya man kwagh u i senge a sôngo ga la, kua awambe.

Aerenakaa A Mbaapostoli 20:33

M tôm azurfa u or ga, shin zenaria shin akondo a nan kpaa ga;

Mbaromanu 1:29

Ve iv a hanma inja i ifer man kwaghbo man hua u eren man kwaghvihin, ve mgbough a iwuhe man iwooor, man num man atseregh man inja i vihin. Ka mbaerenangereke,

Mbaromanu 16:2

mer, rumun nen un ken Ter er i kom hen uicighanmbaiorov nahan. Wase nen un sha hanma kwagh u una gba un cii, gadia un wasen ior kpishi je, mo iyol yam kpaa a wasem.

Mbaromanu 6:13

shi de ne nen alegh a en sha ikev i isholibo a̱ hingir ikav mbi tomov mbi ifer ga, kpa na nen ayol a en sha ikev i Aôndo er ka mba ve dugh ken ku kera ve hingir mbaumav nahan, alegh a en a̱ lu ikav mbi tomov mbi perapera sha ci u Aôndo.

1 Mbakorinte 10:8

Se yô, se kera er nen idya er mbagenev ken ve ve er nahan la ga, ve gba inya ve kpe iyange i môm ior dubu ikundu kar utar.

1 Mbakorinte 5:1

Gwa ngu zan ne je er idya ngi her atô wen, man ka imbaidya i ken atôatyev je kpaa i lu ga yô, orgen ngu a kwase u ter u nan je.

1 Mbakorinte 6:13

Akaayan nga sha ci u iyav; iyav di kpaa mbu sha ci u akaayan, kpa mbu kua a kpaa, Aôndo Una kar a mi kera cii. Kpa iyol yô, ngi sha ci u idya ga, kpa ngi sha ci u Ter man Ter kpaa ngu sha ci u iyol.

1 Mbakorinte 6:18

Yevese nen idya. Hanma isholibo igen i or nan eren yô, ka ken wonyolough tsô i lu ye. Kpa or u eren idya yô, ka iyol i nan je nan eren i kwaghbo ye.

2 Mbakorinte 12:21

M ngu cian mer, aluer me shi me va yô, Aôndo wam Una heem sha ashe a en, á gba u me zungwe sha kwagh u mbagenev kpishi mba ve vande eren isholibo kpa ve lu a gema ishima sha hôngor ve man sha idya i eren man sha ijimba i ve lu eren la kpaa ga.

Mbaefese 5:12

Akaa a ve eren myer la, kunya kôr u ôron a je.

Mbaefese 5:5

Kwagh ne a̱ wanger ne dedoo, hanma or u idya shin or u hwangeregh shin or u hua, ka or u civir akombo je la, nan ngu a dyako ken tartor u Kristu man u Aôndo la je ga.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

1 Mbatesalonika 4:3

Gadia ishima i Aôndo yô, ka i ne, ka mtsegh wen; nyagh nen idya.

1 Mbatesalonika 4:7

Gadia Aôndo yila se ka sha ci u hwanger ga kpa ka sha icighanmlu je.

1 Timoteu 2:10

kpa i̱ lu sha aeren a dedoo er i kom u kasev mba ve kaa er ve mba cian Aôndo mimi vea er yô.

1 Timoteu 3:3

Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

1 Timoteu 6:10

Gadia mise u hanma inja i kwaghbo cii yô, ka inyaregh ki saren. Mbagenev yô, ki hange ve nahan ve tsume ve undu jighjigh u nan, ve kuma ayol a ve sha atsan atô kposo kposo.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:2

Gadia ior vea hingir mbawan ayol a ve iko tseegh man mba inyaregh ki doo ve ishima man mbahagher sha akaa man mbagengeseyol man mbaôron kwagh dang dang, man mbahemban mbamaren vev ato man mbalun a ishughun ga man mbalun wang ga,

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Titu 1:7

Orkuran yô, ka or u nengen sha ya u Aôndo, ka u nana̱ lu a acôghol iyol ga keng je shin or u norom ikaa shin or u yuwen fefa shin or u cihin msôrom shin or u cihin num shin or u keren mtsera u dang kpaa ga,

Titu 2:3

Kape kasev mba tamen kpaa ve̱ lu la, mlu ve a̱ kuma icivir, ve̱ de eren angereke ga, ve̱ de lu mba msôrom ma ye tor sha a ve ga, kpa ve̱ tesen akaa a dedoo.

Mbaheberu 12:16

Ma or nana̱ de luun or u idya shin dangor er Isou u a tee tamen na sha ankwaghyan ityô i môm tseegh nahan la ga.

Yosua 7:21

Er m nenge ikondo i cirin iyol i dedoo i Shinar ken ishar i utya man ushekel mba azurfa deri uhar kua ijen i zenaria i iyohov mbu i mbu kom shekel akunduahargber yô, sarem, tsô m tôô akaa la; nenge i yer a, nga shin inya, her atô u tenti wan man azurfa mase shin.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;

2 Peteru 2:10

Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbala kpaa ka cier ve iyol ga.

2 Peteru 2:14

Ashe a ve iv a idya, nga memen u eren isholibo ga; mba meen ior mba ve lu a ishima i pee pee la. Ve via ishima sha hua u eren, ka ônov mba ifanev je.

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

Mpase U Yohane 2:14

Kpa akaa shim a we kpeghee, ka er u lu a mbagenev hen a we mba ve kusu ityesen i Balaam u a tese Balaki er a̱ gbihi kwaghhônon sha ishigh ki ônov mba Iserael la; ka u yan inyamakombo man shi u eren idya je la.

Mpase U Yohane 2:21

M na un ian Mer, a̱ gema ishima, kpa sar un pe geman ishima den idya na la ga.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.

Mpase U Yohane 9:21

Ve kera gema asema a ve, ve undu iwooor ve, shin ahir a ve a eren shin idya ve i eren, shin iv vev la kpaa ga.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.