Mbaefese 2:3 - ICIGHAN BIBILO

³ Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 2:3 Iomraidhean Croise

Genese 5:3

Adam lu anyom deri môm man ikundugber man a mar wan sha ibeen na man sha mluyol na ye; a ii un iti er Setu.

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Yobu 14:4

Kpash, kwagh u wang ma a dugh ken kwagh u a lu wang ga yô! môm tsô ngu ga.

Yobu 25:4

Nahan á er nan man or nana lu perapera sha ishigh ki Aôndo? Shin á er nan man or u kwase a mar nan, nana lu wanger wangeraa?

Upasalmi 51:5

Shi nenge, i marem ken ifer, ka ken isholibo je, ngôm wa iyav av ye.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Marku 4:19

kpa anzughul a tar ne a nyian ishima kua icugh i inyar man asaren a sha akaa agen cii vea va yô, ve imbishi kwaghôron la, nahan a kera ume atam ga.

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Aerenakaa A Mbaapostoli 14:16

Wen u sha ayange a a kar la, A de akuraior cii a zenden sha igbenda i a la.

Mbaromanu 1:24

Ka nahan man Aôndo gbihi ve ken asaren a asema a ve sha ci u zan ken hôngor ye, ve nzughul a iyol, ayol a ve.

Mbaromanu 11:30

Er ne kpaa ngise ne hemba Aôndo ato kpa ainge i zungu ne mhôônom sha ci u ihembeato ve la yô,

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaromanu 2:14

Zum u atôatyev a a lu a atindi ga la aa eren akaa a sha tindi la sha gbaaôndo u a yô, á hingir tindi sha ci u ayol a a shin er a lu a atindi ga nahan kpaa.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 5:9

Nahan hegen yô, er i ne se ishô sha awambe Na yô, Una hemba yiman se sha iyugh cii.

Mbaromanu 6:12

Nahan yô, isholibo i̱ de kera ye tor ken iyol yen i va kpen la sha u né ungwa imo i asaren a i la ga,

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.

Mbaromanu 9:22

Aluer Aôndo soo u tesen iyugh Na man shi u pasen agee a Na, kpa A lu wan ishima tsung a ikav mbi iyughuv mbi i ver mbi sha ci u mtim la yô,

1 Mbakorinte 4:7

Ka an nan ver u u hembee? Ka nyi u lu a mi i u ngohol a ngohol ga? Man aluer u ngohol yô, ka nyi u gengese iyol er u ngohol a ngohol ga nahana?

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Mbagalatia 3:22

Kpa icighanruamabera wuhe akaa cii sha ikev i isholibo sha u ma i ne mbananjighjigh ityendezwa i i lu sha jighjigh u nan ken Yesu Kristu la.

Mbaefese 2:2

a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Mbakolose 1:21

Man ne mba ngise ne lu paleghaa, ne lu mbaihomov ken mhen wen sha aeren a bo la, ne kpaa

1 Mbatesalonika 4:13

Kpa, anmgbianev, sar se ka ma ne lan kwagh u mba ve kpe kera la ga, sha u ne̱ de kera zungwen er mbagenev mba ve lu a ishimaverenkeghen ga la nahan ga.

1 Mbatesalonika 5:6

Nahan yô, se kera hungul nen mnyam er mbagenev nahan ga, se lu nen per geng ge geng.

1 Timoteu 6:9

Kpa mba i sar ve pe lun mbanyarev yô, ka ve gba ken imeen man ken to u hônon man ken asaren kposo kposo a gbilinigh man a vihin. Ka a mire a ior ken mtim man ken msaaishe.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

2 Peteru 2:14

Ashe a ve iv a idya, nga memen u eren isholibo ga; mba meen ior mba ve lu a ishima i pee pee la. Ve via ishima sha hua u eren, ka ônov mba ifanev je.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

1 Yohane 2:16

Gadia akaa a a lu shin tar cii, isharen i iyolough, man isharen i ashee man ihagh i uma ne, ka a Ter ga, ka a taregh tsô.

1 Yohane 2:8

Nahan kpaa ka tindi u he m ngeren ne ye, u a lu mimi ken a Na man shi ken a ven kpaa, gadia ime ngi karen man iwanger i mimi gba mondon ve.