Mbaefese 2:2 - ICIGHAN BIBILO

² a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbaefese 2:2 Iomraidhean Croise

Yobu 1:16

Ngur ôron nahan yô, ugen shi za va, gba va kaan er: Usu u Aôndo sen Sha, va hia iyôngo kua mbatomov, wua kera; ka mo tseegh m wer m va kaan we ye.

Yobu 1:19

yô, zegehiar due ken desereti va ta sha azongo a iyoughough a anyiin yôhôl kighir mbayev, ve kpe cii; ka mo tseegh m wer m va kaan we ye.

Yobu 1:7

Tsô TER pine Satan er: U due hana? Satan gema kaa a TER er: Ka ken ijende wue wue shin tar, u kôndon man u senen shin u.

Yobu 31:7

Aluer mea kaha gbenda, man ishima yam ia zaan sha isharen i ashe am, man ma acôghol kpaa aa luun mo sha ave yô,

Upasalmi 17:14

man sha ikev i ior, sha uwegh Ough je, TERE, sha ikev i ior i tar, i kwar ve u lu hen uma ne, mba U mgbough iyav vev a kwagh u U vande veren sha ci ve la, je ônov vev kpaa kuma ve gbing gbing, ve di kpaa mba undun akaa ve a a neer la sha ci u ônov vev.

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 57:4

Ka an ne neen iyar sha nanaa? Man ka an ne aver zwa, ne dughun nombor sha nanaa? Ka ne ônov mba peren atindi, vor u aiegh ne gaa?

Yeremia 23:10

Gadia tar ne iv a udyambaiorov; ifan gema na tar mzungu; ajiir a yan toho a ken taaikôngo uma cii; kwagh u ve ze her ayem yô, saa ka u bo; gbenda u ve keren tahav a mi yô, ka u mimi ga.

Hosea 10:9

We Iserael, u er kwaghbo hii sha ayange a Gibea la je— ka keregh ve til ye; nahan ityav mbi i nôngo a ônov mba iferev la mbia kohol ve ken Gibea gaa?

Levitiku 11:16

man konkofi, man kpire man shimiu man kunkure, anza la cii;

Mateu 11:19

Wan u or va, ye kwagh shi me kwagh, kpa mba kaan er: Nenge, or u kumbur hua sha kwaghyan, man or u eren hua sha msôr, ka huror u mbangoholkpandegh kua u mbaasorabo. Kpa mfe zua a ishô sha aeren a na ve.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

Marku 4:19

kpa anzughul a tar ne a nyian ishima kua icugh i inyar man asaren a sha akaa agen cii vea va yô, ve imbishi kwaghôron la, nahan a kera ume atam ga.

Luka 16:8

Tsô ter la wuese wanakiriki u nengen un sha inyar u lu or u mimi ga la, sha ci u a er kwagh sha kwaghfan yô, gadia sha kov ve yô, ônov mba ken tar u ainge ne ve hemba ônov mba ken iwanger kwaghfan.

Luka 22:31

Shimon! Shimon! Nenge, Satan norom sha u una yegher ne er uwua nahan.

YOHANE 12:31

Ka hegen je i lu u ôron tar ne ijiir ye; ka hegen je á dugh tor u tar ne kera ye.

YOHANE 13:2

Mba tem mba gbe yan iwer yô, diabolo vande wan Yuda Isekarioti, wan u Shimon kwagh er a̱ nenge mker sha a Na

YOHANE 13:27

Ngohol ivurugh ki kwaghyan la yô, Satan maa nyôr ker a na. Tsô Yesu kaa a na er: Kwagh u i lu u pe eren yô, er fefa.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 16:11

sha kwagh u ijirôron yô, ka sha ci u i er tor u tar ne ijir yô.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

YOHANE 8:23

A kaa a ve er: Ne, ka shin ne lu ye; Mo yô, ka Sha M dugh ye; ne mba shin tar ne; Mo yô, M ngu u shin tar ne ga.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Aerenakaa A Mbaapostoli 19:35

Tsô orngeren u gar la va yange ikpelaior ayôôso, a kaa er: Ne ior i Efese, or u nan lan er gar u Mbaefese a lu kuran tempel u zegeartemi man eev mbu mbu gbe sha aôndo la, nan ngu kpa?

Aerenakaa A Mbaapostoli 5:3

Kpa Peteru kaa er: Anania, inja na nan man Satan a iv u ken ishima er u̱ er Icighan Jijingi aie, u̱ pande ishe i sule la u̱ yere?

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

1 Mbakorinte 5:10

Kpa ka mbadyarev mba ken tar ne cii ga, shin Mbahuav shin mbanumungbenda shin mbacivirakombo cii kpaa ga, a lu nahan yô, ma i gbe u né due shin tar kera kpee je.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbagalatia 1:4

u A ne iyol Na sha ci u asorabo ase, sha u Una dugh se ken tar u ainge u ifer ne kera, sha ishima i Aôndo Ter wase.

Mbaefese 1:21

A̱ hemba taven sha a hanma tarkuran man tahav man agee man tor u yan cii man hanma iti cii i i yer i sha ayange ne kua a lu van ken hemen la kpaa.

Mbaefese 2:11

Nahan yô, umbur nen er ngise ne lu atôatyev ken iyol; mba i yer ve iti sha icôngo i ka i er ken iyol sha ave la yô, ve gema ve yilan ne er mbaipusuv.

Mbaefese 2:13

Kpa hegen ken Kristu Yesu yô, ne mba ngise ne lu ica, ne hingir ikua ikua sha awambe a Kristu.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Mbaefese 6:12

Gadia kera ka awambe man inyam se lu nôngon ityav a ve ga, kpa ka mbatarev man mbautahav man mba ve lu utor sha tar cii mba ime ngin ne, man ujijingi mba aferev mba sha ajiir a Sha.

Mbakolose 1:21

Man ne mba ngise ne lu paleghaa, ne lu mbaihomov ken mhen wen sha aeren a bo la, ne kpaa

WASHIKA U SHA UHAR U PAULU APOSTOLI TINDI HEN TIMOTEU - 2TI 4:10

Gadia Dema undum sha ci u tar u ainge ne u doo un yum yô, a yem a nagh Tesalonika. Keresene za Galatia, Titu za Dalematia.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.

Yakobu 1:7

Imbaor la yô, nana̱ de kera henen er nana zua a ma kwagh hen Ter ga,

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 4:3

Gadia ayange a a kar la zum u i lu eren er atôatyev a eren nahan la, kuma ve, er ve lu zenden ken ijimba i eren man asaren a bo man msôrom ma hunden man iniongo i gbilinigh man mbamkohol mba man msôrom man shi kwaghsôron u dang kpaa.

2 Peteru 2:14

Ashe a ve iv a idya, nga memen u eren isholibo ga; mba meen ior mba ve lu a ishima i pee pee la. Ve via ishima sha hua u eren, ka ônov mba ifanev je.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

1 Yohane 4:4

Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.

1 Yohane 5:19

Se fa se due ken Aôndo, kpa tar cii ngu sha ikev i Orbo.

1 Yohane 5:4

Gadia hanma kwagh u Aôndo A mar yô, hembe tar; man mhembe shon u a hembe tar yô, ka un ne; ka jighjigh wase u nan.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 16:17

Ortyom u Sha u sha utaankaruhar la haa gbande na sha ahumbe, nahan zegeimo due ken tempel, ken ikônough ki torough kila, lu kaan er: I kure ve!

Mpase U Yohane 20:2

Tsô a kôr darakon, ka tseiyô u a lu diabolo man Satan kpaa la, a kange un, una lu uikangen zan zan anyom dubu,