Mbaefese 1:1 - ICIGHAN BIBILO

¹ Paulu apostoli u Kristu Yesu sha ishima i Aôndo, ngu sughun uicighanmbaiorov mba ve lu [ken Efese], mba ve lu jighjigh ken Kristu Yesu yô.

Mbaefese 1:1 Iomraidhean Croise

Numeri 12:7

Wanakiriki Wam Mose ngu nahan ga; un ka or u jighjigh ken ya Wam cii;

Luka 16:10

U nan lu jighjigh sha ankwagh u kiriki yô, nana lu jighjigh sha kwagh u vesen kpaa; man shi u nan lu perapera sha kwagh u kiriki ga yô, kwagh u vesen kpaa nana lu perapera sha mi ga.

Aerenakaa A Mbaapostoli 16:15

Tsô mba eren un batisema kua ior i hen ya na cii yô, a zamber a vese er: Aluer nea fa ner m na Ter jighjigh yô, va nyôr tsa nen her a mo. Nahan a kighir se.

Aerenakaa A Mbaapostoli 18:19

Ve va ken Efese; a va undu ve heregh, un iyol na yô, a nyôr ken shinagoge a ôr kwagh a Mbayuda.

Aerenakaa A Mbaapostoli 18:21

a lôhô ve ayem a kaa er: Aluer Aôndo Una rumun yô, me shi me hide her a ven. Tsô a nyôr tso hen Efese.

Aerenakaa A Mbaapostoli 9:13

Kpa Anania gema kaa er: Tere, M ungwa gwa u or la hen ior kpishi, er a er uicighanmbaiorov Ou akaa a vihin kpishi ken Yerusalem yô.

Mbaromanu 1:1

Paulu, kpan u Kristu Yesu u i yila un er a̱ lu apostoli, i tsegha un sha ci u Loho u Dedoo u Aôndo

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

1 Mbakorinte 4:12

Man se mba eren tom sha ican sha ave ase ayol ase. Ka a tuhwan se kpaa, se gema se naan iveren i dedoo. Ka a lu tôvon se a ican kpaa, se gba wan ishima tsô;

1 Mbakorinte 4:17

Ka sha ci u nahan man m tindi Timoteu her a ven ye. Un ka wan wam u doon mo ishima man u jighjigh ken Ter kpaa. Una umbur ne igbenda i m lu zan sha mi ken Kristu Yesu la, er m tesen hanma ijiir ken hanma nongo u Kristu cii yô.

2 Mbakorinte 1:1

Paulu, apostoli u Kristu Yesu u sha ishima i Aôndo man Timoteu anmgbian, mba sughun nongo u Kristu u Aôndo u u lu ken Korinte la kua uicighanmbaiorov mba ve lu ken Akaya cii.

Mbagalatia 1:1

Paulu apostoli u i lu ior ve tindi un ga, i lu or kpaa nan ver un ga, kpa i lu Yesu Kristu A ver un yô, man shi Aôndo Ter u A nder un shin ku la,

Mbagalatia 3:26

Gadia ne cii, ne mba ônov mba Aôndo sha jighjigh u nan ken Kristu Yesu.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbagalatia 3:9

Kape mba ve lu ken jighjigh u nan la, i lu veren ve doo doo a Aberaham u a ne jighjigh la imôngo ne.

Mbaefese 1:15

Sha ci u nahan yô, mo kpaa zum u m ungwa jighjigh wen u nan u ne ne Ter Yesu la man shi dooshima u uicighanmbaiorov cii ve doo ne ishima la,

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 2:13

Kpa hegen ken Kristu Yesu yô, ne mba ngise ne lu ica, ne hingir ikua ikua sha awambe a Kristu.

Mbaefese 2:6

man A nder se a Na imôngo, A ver se se tema a Na imôngo sha ajiir a Sha ken Kristu Yesu.

Mbaefese 6:21

Tikiku, anmgbian u doon ishima man ortom u jighjigh ken Ter una pase ne akaa cii sha u ne kpaa né fa mlu wam man kwagh u m lu eren yô.

Mbakolose 1:2

mba sughun anmgbianev mba ken Kristu mba ken Kolose mba ve lu uicighanmbaiorov shi ve lu mbananjighjigh kpaa la. Mrumun u sha mhôôn a̱ lu sha a ven kua bem kpaa, mba ve dugh her Aôndo Ter wase.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 2:13

M fa henpe u tem ka henpe ikônough ki torough ki Satan ki lu je la, nahan kpaa u kusu iti Yam gbang gbang, u nyiman jighjigh u nan Mo la ga, shin sha ayange a Antipa orshiada Wam u jighjigh la kpaa, un u i wua un hen ven, henpe Satan a tem la.