Mateu 9:6 - ICIGHAN BIBILO

⁶ Kpa sha u né fa er Wan u or A lu a tahav mbu den ior asorabo sha won yô, nahan A gema a kaa a or u kpen alegh la er: Mough, tôô gambe wou, yem hen ya wou.

Mateu 9:6 Iomraidhean Croise

Yesaia 43:25

Ka Mo je M ese atindi a ou a peren kera sha ci Wam iyol Yam; Me kera umbur asorabo a ou kpaa ga.

Mika 7:18

Ka an nan lu Aôndo er We nahan, u U deen iferkwagh man U deen atindi a peren a asande a dyako Wou a a shi her laa? Ishima i nyoon We gbem ga, sha ci u erdoo doo U.

Mateu 4:24

Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 8:20

Yesu gema kaa a na er: Atsôngo nga a ijô, inyon i sha ngi a aya, kpa Wan u or yô, ngu ape suur ityough ga.

Mateu 9:2

Tsô i va Un a or u kpen alegh, lu yaven sha gambe. Man er Yesu nenge jighjigh ve u nan yô, A kaa a or u kpen alegh la er: Taver ishima wan Wam, i de u asorabo a ou.

Mateu 9:5

Gadia ka nyi i hembe lun uwer ga u ma i kaa er: I de u asorabo a ou; shin u ma i kaa er: Mough yem ase?

Mateu 9:7

Tsô a mough, a yem hen ya na.

Marku 2:10

Kpa sha u ne fa er Wan u or A lu a tahav mbu den ior asorabo sha won yô, A kaa a or u kpen alegh la er:

Marku 2:7

Ka nyi kwagh Or ne A kaan nahana? Ngu tuhwan Aôndo. Ka an nana fatyô u den or asorabo saa Aôndo tseegh gaa?

Luka 5:21

Tsô mbangeren man Mbafarishi gba henen, kaan er: Or u nan er kwagh u ityuhwan ne ka anti? Ka an nana fatyô u den or asorabo, saa Aôndo tseegh gaa?

YOHANE 10:28

Mo m ne i uma u tsôron ia tim mayange ga, ma or kpaa nana tsuwem i sha ikev je ga.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 5:27

Man shi A na Un tahav mbu ôron ijir sha ci u A lu Wan u or yô.

YOHANE 5:8

Yesu kaa a na er: Mough sha, tôô gambe wou, zende.

Aerenakaa A Mbaapostoli 5:31

Ka Un je Aôndo kende Un sha sha uwegh Nagh ku yanegh sha u A̱ lu Orhemen man Oryiman, sha u A̱ na Iserael mgemshima man A̱ de ve asorabo kpaa ye.

Aerenakaa A Mbaapostoli 9:34

Peteru kaa a na er: Enia, Yesu Kristu ngu been we angev, mough sha, sôr gambe wou. Fese nahan a kighir, a mough sha.

2 Mbakorinte 2:10

Or u ne de nan kwagh yô, mo kpaa m de nan. Aluer mea de kwagh kpaa, kwagh u m de la, ka sha ci wen sha ishigh ki Kristu.

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Mbakolose 3:13

Waan nen ishima a ayol a en, deen nen ayol a en kwaghbo aluer kwagh á nzughul orgen a orgen yô, er Ter A de ne akaabo nahan, ne kpaa kape eren nen la.