Mateu 9:4 - ICIGHAN BIBILO

⁴ Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

Mateu 9:4 Iomraidhean Croise

Upasalmi 139:2

Mtem wam man mmough wam kpaa We U fa, U fa mhen wam ken ica je.

Upasalmi 44:21

Aôndo ma A dugh a kwagh ne ken igbar gaa? Gadia A fa akaamyer a ken ishima.

Esekiel 38:10

Ter AÔNDO ngu kaan nahan er: Tsô sha iyange la, mbamhen vea va ken ishima you, ú hen mhen u bo;

Mateu 12:25

Man er A fa mbamhen vev yô, A kaa a ve er: Hanma tartor u u pav sha ihom yô, á tim u kera. Man shi hanma gar shin hanma ya u a pav sha ihom yô, una lu ga.

Marku 12:15

Kpa A fa atseregh a ve la, nahan A kaa a ve er: Ka nyi ne karen Mo? Va nam nen sule, M nenge sha mi.

Marku 2:8

Yesu kav ken ishima er ve henen ken asema a ve nahan yô; tsô A kaa a ve er: Ka nyi ne henen akaa ne ken asema a ene?

Luka 11:17

Kpa er A fa mbamhen vev yô, A kaa a ve er: Hanma tartor u u pav sha ihom yô, á tim u, iyou kpaa ia yôhôl, ia gba sha igen.

Luka 5:22

Kpa er Yesu kav mbamhen vev yô, A gema A pine ve er: Ka nyi ne hen ken asema a ene?

Luka 6:8

Kpa Wen fa mbamhen vev, nahan A kaa a or u uman uwegh la er: Mough sha, tile her atô. Tsô a kighir a mough a tile.

Luka 7:40

Yesu gema kaa a na er: Shimon, kwagh ngum u ma M er a we. A kaa er: Kaa ha, Ortesen.

YOHANE 16:19

Yesu kav er i lu ve pe pinen Un yô, tsô A kaa a ve er: Ne mba pinen ayol a en sha kwagh u M kaa ne Mer: Shi kpuaa, tsô né kera nenge a Mo ga, man shighe shi una karen kpuaa yô, né nenge a Mo yôô?

YOHANE 16:30

Hegen se fa U fa akaa cii, kera gba U u ma or nana pine U kwagh ga, ka nahan je man se ne jighjigh er U dugh her Aôndo ye.

YOHANE 21:17

A pine un sha kwa tar er: Shimon, wan u Yona, M doo wee? Ishima vihi Peteru sha ci u a pin un sha kwa tar er: M doo wee, yô. Tsô a kaa a Na er: Tere, U fa akaa cii, U fa er U doom yô. Yesu kaa a Na er: Koson iyôngo Yam.

YOHANE 6:61

Kpa Yesu fe er mbahenen Nav lu unun shin iker sha kwagh la yô, A kaa a ve er: Kwagh ne na ne gbev mbu nôngonôô?

YOHANE 6:64

Kpa mbagenev mba ker a ven mba ve ne jighjigh ga yô. Gadia sha hiihii je Yesu fa mba ve ne Un jighjigh ga, shi A fa un u una nenge Un mker la kpaa.

Aerenakaa A Mbaapostoli 5:9

Kpa Peteru kaa a na er: Ka nyi i ne je ve ne zough zwa sha u né kar Jijingi u Ter nahana? Yô, nenge ase, angahar a mba ve ii nomu, ngara hen hunda la, shi vea tôô u vea due a we kpaa.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.