Mateu 9:37 - ICIGHAN BIBILO

³⁷ Tsô A kaa a mbahenen Nav er: Sunda ngee je, kpa mbasundan yô, mba di kpeghee tsô.

Mateu 9:37 Iomraidhean Croise

Upasalmi 68:11

Ka Ter man A kaa imo Na ye; kasev mba ve yôôn loho u dedoo ka ikum i vesen.

Mateu 20:1

Gadia tartor u Sha ngu er orya u a dugh pepe je sha u keren mbatomov mba vea yar un sule yô.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mateu 9:38

Nahan yô, sôn nen Ter u sunda, A tindi mbatomov ken sunda Na.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 10:2

Man A kaa a ve er: Sunda yô, ngee, kpa mbatomov yô, gema mba ciôn tsô; nahan yô, sôn nen Ter u sunda A̱ tindi mbatomov ken sunda Na.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Aerenakaa A Mbaapostoli 16:9

Tugh mbu il yô, Paulu nenge a kwagh ken mpase u sha mnenge, or u Masedonia tile, lu zamber a na, kaan er Shi per yande Masedonia keen, va wase se.

Aerenakaa A Mbaapostoli 18:10

gadia Mo M ngu a we, ma or ngu u nana bende u ave sha u eren we kwagh u bo ga, gadia M ngu a ior kpishi ken gar ne.

1 Mbakorinte 3:9

Gadia se mba mbashirentom a Aôndo imôngo je, ne mba sule u Aôndo je, man shi mmaa u Aôndo jim kpaa.

2 Mbakorinte 6:1

Er se lu mbaerentom a Na imôngo yô, se mba wan ne kwagh ser, mngohol u ne ngohol mrumun u sha mhôôn u Aôndo yô, i̱ de lu gbilinkwagh ga.

Mbakolose 4:11

Man shi Yesu kpaa u i yer un er Yusetu. Ken mba ve lu eren tom u tartor u Aôndo a mo imôngo yô, ka ve tseegh ve lu mba ken icôngo ye. Ve surum ishima kpishi je.

1 Timoteu 5:17

Mbatamen mba ve nengen sha ior dedoo yô, i̱ wa ve iko kwa har je, jim yô, ka mba ve lu pasen kwaghaôndo shi ve lu tesen kpaa la.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.