Mateu 9:22 - ICIGHAN BIBILO

²² Kpa Yesu gem, nengen a na yô, A kaa er: Wankwase, taver ishima; jighjigh wou u nan war u ve. Hii hen shighe la je wanger kwase la iyol.

Mateu 9:22 Iomraidhean Croise

Mateu 15:28

Tsô Yesu gema kaa a na er: Kwase, jighjigh wou vese tsô; yô, i̱ er u er i sar u nahan la vough. Wan na u kwase la angev maa bee un hen shighe la je.

Mateu 17:18

Tsô Yesu yange un, maa jijingi u bo la due ken a na kera; hen shighe la je wanakiriki la hingir dedoo.

Mateu 8:13

Tsô Yesu kaa a torutya la er: Yem tsô, i̱ er u er u ne jighjigh nahan la je. Wanakiriki la kpaa, wanger un iyol hen shighe la je.

Mateu 9:2

Tsô i va Un a or u kpen alegh, lu yaven sha gambe. Man er Yesu nenge jighjigh ve u nan yô, A kaa a or u kpen alegh la er: Taver ishima wan Wam, i de u asorabo a ou.

Mateu 9:29

Tsô A bende ve ave sha ashe, A kaa er: I̱ er ne vough er ne ne jighjigh nahan.

Marku 10:52

Yesu kaa a na er: Yem tsô, jighjigh wou u nan war u ve. Fese nahan a hingir u nengen kera, a dondo sha a Na sha gbenda.

Marku 5:34

Nahan A kaa a na er: Wankwase, jighjigh wou u nan war u ve; yem bem bem, angev ou mbu̱ bee u.

Luka 17:19

A kaa a na er: Mough, gba zan tsô; jighjigh u nan wou war u.

Luka 18:42

Yesu kaa a na er: Gba nengen kera tsô. Jighjigh wou u nan war u ve.

Luka 7:50

A kaa a kwase la er: Jighjigh wou u nan war u; yem bem bem.

Luka 8:48

Tsô Yesu kaa a na er: Wankwase, jighjigh wou u nan war u ve, yem bem bem.

YOHANE 4:53

Tsô ter na fa er ka shighe u Yesu kaa a na er: Wan wou ngu uma je la. Nahan wen iyol na na jighjigh kua ya na cii.

Aerenakaa A Mbaapostoli 14:9

Or la ungwa er Paulu lu ôron kwagh; Paulu kpaa er a kenger un man a nenge er a lu a jighjigh u nan u á war un yô,

Aerenakaa A Mbaapostoli 16:18

Eren nahan ayange imôngo je. Kpa er i nyôr Paulu iyol yum yô, a gema, a kaa a jijingi la er: M ngu kaan we ken iti i Yesu Kristu, due ker a na kera.

Mbaheberu 4:2

Gadia se kpaa, i ôr se Loho u Dedoo vough er i ôr mbala nahan. Kpa loho la lu ve a inja ga gadia u zua a jighjigh u nan hen ve mba ve lu ungwan la ga.