Mateu 9:15 - ICIGHAN BIBILO

¹⁵ Yesu kaa a ve er: Mbayaren iniongo i kwasehe vea fatyô, u zungwen zum u orkwasehe a lu a ve imôngo laa? Kpa ayange nga van a á tôô ve orkwasehe kera; ka zum la man vea hôr kwaghyan ye.

Mateu 9:15 Iomraidhean Croise

Yesaia 22:12

Sha iyange la, Ter, TER u akum a Sha, yila kaa er, i̱ vaa, i̱ zungwe, i̱ hondo ityough, shi i̱ ta ikondo uya;

Mateu 9:14

Tsô mbahenen mba Yohane va her a Na, va kaa er: Inja na nan man se kua Mbafarishi, se her kwaghyan kpa mbahenen Ou yô, ve her kwaghyan ga?

Mateu 9:16

Man shi ma or ngu u nana cir bamberikondo u he sha ikondo i tse ga, gadia kwagh u i cingi i a mi la una gema a pande ikondo i tse la kera; nahan ihura ia seer a seer.

Marku 2:19

Yesu kaa a ve er: Mbayaren iniongo i kwasehe vea fatyô u hôron kwaghyan zum u orkwasehe a lu a ve imôngo laa? Zum u ve lu a orkwasehe a ve imôngo yô, vea fatyô u hôron kwaghyan ga.

Marku 2:20

Kpa ayange nga van a á tôô ve orkwasehe kera, ka hen ayange la je man vea hôr kwaghyan ye.

Luka 17:22

Tsô A kaa a mbahenen er: Ayange nga van pe á sar ne ka ma ne nenge a iyange imôm ken ayange a Wan u or, kpa nea nenge a mi ga.

Luka 5:34

Kpa Yesu gema kaa a ve er: Ne fatyô u kighir mba ken ya u orkwasehe er ve̱ hôr kwaghyan je er orkwasehe a lu a ve la kpa?

Luka 5:35

Kpa ayange nga van a á tôô ve orkwasehe kera, ka hen ayange la je man vea hôr kwaghyan ye.

YOHANE 16:6

Kpa sha ci u M er ne akaa ne yô, asema vihi ne, kondo je.

YOHANE 3:29

Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

Aerenakaa A Mbaapostoli 14:23

Zum u ve tsuwa mbatamen ve ver ve ken hanma nongo u Kristu yô, ve er msen a kwaghyan u hôron man ve wa ve sha ikev i Ter u ve na Un jighjigh la.

1 Mbakorinte 7:5

De vende nen ayol a en ga, saa di alaghga né zua zwa ayol a en sha shighe u né ver yô, sha u ne ver ishima sha msen u eren yô, kpa shi zua nen sha u Satan a̱ de meen ne sha mban u kôron iyol tsaha la ga.

2 Mbakorinte 11:27

M lu eren tom sha ican, m eren tom tsung je, m tsa per ayange imôngo, m luun ijen, imura kpaa kôron mo, ashighe agen kwaghyan lum ga, wuhe lu kôron mo, m lu idyelegh kpaa.

Mpase U Yohane 19:9

Tsô ortyom u Sha kaa a mo er: Nger wer: Mba i lehe ve iniongo i kwasehe i Waniyôngo yô, saan ve iyol. Shi a kaa a mo er: Angan ka akaaôron a Aôndo a mimi.

Mpase U Yohane 21:2

Shi m nenge icighangar, ka Yerusalem u he je la, lu senen Sha, a due her Aôndo, i sôr un er kwasehe u i er un hwe iyol sha ci u nom na yô.