Mateu 8:9 - ICIGHAN BIBILO

⁹ Gadia mo kpaa m ngu or u m lu sha ikev i mbagenev, man m gema m ngu a mbautyav sha ikev; man ka mea kaa a ugen mer: Za, kpa nan za je; mea kaa a ugen mer: Va, shi nan va je; mea kaa a wanakiriki wam mer: Er nahan, nan er je.

Mateu 8:9 Iomraidhean Croise

Upasalmi 119:91

ka sha akaawan a Ou ve lu her zan zan nyian ye, gadia akaa cii nga eren We tom.

Upasalmi 148:8

usu man ura u awomboogh man senou man irkpiigh, man uraahumbe u u eren sha mkaanem Nam vough yô;

Mateu 8:10

Tsô Yesu ongo nahan yô, kpiligh Un iyol, A kaa a mba ve lu van Un ijime la er: Ka mimi je M kaan ne ye, ken Mbaiserael je kpaa mayange M ngu a zua a jighjigh u nan u vesen nahan ga.

Mateu 8:8

Kpa torutya la gema kaa er: Tere, m kuma u Ú nyôr hen haav av ga, kpa ôr a ôr kwagh tsô, á wanger wanakiriki wam iyol je.

Marku 1:27

Cier ve iyol cii; tsô ve gba pinen ayol a ve, kaan er: Ka nyi nee? Ka nyi ityesen i he nee? Ujijingi mba hôngorough kpaa A wa ve kwagh sha utaha je, ve ungwa imo Na kpaa.

Luka 4:39

Tsô A va tile A ngurum her a na, A yange angev mbu iyolhian la maa mbu de un; fese nahan a mough, a gba gilim sha sha ci ve.

Luka 7:8

Gadia mo kpaa, m ngu sha ikev i mbautahav mbagenev je; mo iyol yam kpaa m ngu a mbautyav sha ikev yam; ka mea kaa a ugen mer: Za, kpa nan za je; man shi a ugen mer: Va kpa nan va di je; man shi mea kaa a wanakiriki wam mer: Er nahan, kpa nan er je.

Luka 9:1

Tsô A yila mba pue kar uhar, ve kohol imôngo, A na ve agee man tahav sha ujijingi mba bov cii, man u been angev kpaa.

Mbakolose 3:22

Ne mbashirentom kpaa, ungwan nen imo i uter enev mba ken iyol ken akaa cii, i̱ de luun tom u sha ashe a ior er mbadoon ityough a ior nahan ga, kpa i̱ lu sha ishima i môm man sha u cian Ter.

Titu 2:9

Mbashirentom kpaa, ve̱ ungwan imo i uter vev ken akaa cii, ve̱ eren kwagh sha ishima ve kpaa, ve̱ de hon ga,