Mateu 8:29 - ICIGHAN BIBILO

²⁹ Tsô ve genger amo, ve kaa er: Ka nyi i zough se a We, Yesu, Wan u Aôndo? U va heen sha u Ú va er se ican, er shighe kpaa a lu a kuma ga nee?

Mateu 8:29 Iomraidhean Croise

2 Samuel 16:10

Tor kaa er: Ka nyi i zoughom a ven, ne ônov mba Seruya? Aluer a tuhwa, man aluer ka TER je A kaa a na er: Tuhwa Davidi yô, ka anti nana cihi nana pine er: Ka nyi u eren nahana?

2 Samuel 19:22

Kpa Davidi kaa er: Ka nyi i joughom a vene, ne ônov mba Seruya, ne mba ne hingir mba hendan kwagh a mo nyian nee? Á wua or u ken Iserael nyianaa? M fa er nyian m lu tor u Iserael gaa?

1 Utor 17:18

Nahan a kaa a Eliya er: Ka nyi i zoughom a we, we or u Aôndo? U va her a mo wer, m̱ umbur asorabo am, shi ú wuam wan kpaa!

2 Utor 3:13

Elisha kaa a tor u Iserael er: Ka nyi i zoughom a we? Za hen uprofeti mba teru, kua uprofeti mba ngôu! Kpa tor u Iserael kaa a na er: Ka nahan ga; gadia TER yila utor mba utar mban er Una na ve sha ikev i Moabi.

2 Kroniku 35:21

Kpa a tindi mbatyomov her a na, a kaa er: Ka nyi i zoughom a we, we tor u Yuda nee? Ka we, m ve u nôngon ityav a we nyian ga, kpa ka ya u m lu ihom a na la, man Aôndo kpaa kaa er M̱ za fefa; yô, de bamen Aôndo u A lu a mo ne, A̱ tim u ga.

Yoel 3:4

Ne mba nyi je, we Tiru man Shidon man ityar i i kase Filitia cii? Né orom iyeve? Aluer ne orom iyev yô, fese je Me gema iyev la Me hire a i sha ityough yenegh.

Mateu 4:3

Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Mateu 8:30

Yô, ikpelaigo lu yan inyarev, anigbar a ve.

Marku 1:24

a kaa er: Ka nyi i zough se a We, We Yesu Ornasareti, U va sha u va timin see? M fa U doo doo, U ngu Icighan u Aôndo je.

Marku 3:11

Ujijingi mba hôngorough kpaa, hanma shighe u vea nenge a Na yô, ve gba Un sha ishi, ve genger imo ve kaan er: We, U ngu Wan u Aôndo.

Marku 5:7

genger imo taver taver, kaa er: Ka nyi i zoughom a We, Yesu Wan u Aôndo Uhembansha? M zua U vea Aôndo, de eren mo ican ga.

Luka 4:34

Ka nyi i zough se a We, We Yesu, Ornasareti? U va sha u va timin see? M fa U doo doo, U ngu Icighan u Aôndo je.

Luka 4:41

Ujijingi mba bov kpaa due ken ior kpishi, ve lu genger imo, kaan er: U ngu Wan u Aôndo je! A yange ve, A rumun ve u ve̱ ôr kwagh ga, gadia ve fa er A lu Kristu je yô.

Luka 8:28

Zum u a nenge a Yesu yô, a gbidye vaa, a gba Un sha ishi, a genger imo taver taver er: Ka nyi i zoughom a we Yesu, Wan u Aôndo Uhembansha? M ngu zamber a We, de eren mo ican ga.

YOHANE 2:4

Yesu kaa a na er: Kwase, ka nyi i zoughom a we? Shighe Wam ngu a kuma ga.

Aerenakaa A Mbaapostoli 16:17

Tsô er un a lu van ken ijime i Paulu a vese imôngo yô, a yila sha imo i taver, a kaa er: Ior mban ka mbatomov mba Aôndo Uhembansha je, man mba pasen ne gbenda u myom.

Yakobu 2:19

U na jighjigh wer, Aôndo ngu môm zee? U er doo. Ujijingi mba bov je kpaa mba ne kwagh la jighjigh, ikarikase gem gbidi ve iyol.

2 Peteru 2:4

Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.

Yuda 1:6

Mbatyomov mba Shaav mba ve kera wa iko sha tahav vev mbu i ver ve sha mi hiihii la ga, ve undu ijiir ve i teman jim la yô, ngu kuran ve ken uikangen ken ime i shin, gbem, sha ci u ijir i sha zegeyange la.

Mbaajiriv 11:12

Tsô Yefeta tindi mbatyomov hen tor u Mbaamon a kaa er: Ka nyi i zough u a mo, u ve her a mo sha u va nôngon ityav a tar wama?