Mateu 7:21 - ICIGHAN BIBILO

²¹ Ka hanma or u nana kaa a Mo er, Tere! Tere! man nana nyôr sha tartor u Sha ga, saa u nan eren ishima i Terem u A lu Sha yô.

Mateu 7:21 Iomraidhean Croise

Mateu 12:50

Gadia hanma or u nan eren ishima i Terem u A lu Sha yô, ka nan je nan lu anngôm u nomso man anngôm u kwase man ngôm kpaa ye.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:19

Man shi M ngu kaan ne Mer: Aluer ior ihiar ken a ven man vea zua ishima shin tar sha ma kwagh u vea sôn yô, Terem u A lu Sha kpaa Una er ve un.

Mateu 18:3

A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Mateu 18:35

Kape Terem u A lu Sha kpaa Una er a ven la, aluer ne kpaa hanmô wen nana de anmgbian u nan akaabo a nan gbar gbar ga yô.

Mateu 19:24

Man shi M kaan ne Mer: Guda u rakumi á kar ken ihura i anura, a u ornyar nana̱ nyôr sha tartor u Sha.

Mateu 25:10

Tsô mba ngur yemen sha u za yamen yô, orkwasehe za va; mba ve wa ago iyol la ve nyôr a na imôngo ken iyou i iniongo i kwasehe maa i wuhe hunda.

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Marku 3:35

Gadia hanma or u nan eren ishima i Aôndo yô, ka nan je nan lu anngôm u nomso man u kwase man ngôm kpaa ye.

Marku 9:47

Man shi aluer ishe you ia na u gbev mbu nôngon yô, dugh i kera; u ú nyôr sha tartor u Aôndo a ishe i môm yô, ka u guda a u ma u lu a ashe ahar ma i kende u ken gehena,

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

Luka 13:25

Aluer orya una vande moughon una wuhe hunda kera yô, né gba tilen ken won manden uwegh sha katsor, kaan er: Tere, shi bugh se ga! kpaa Una gema Una kaa a ven er: M fa ne hen ape ne dugh ne ve ga.

Luka 18:25

Gadia guda u rakumi a̱ nyôr ken ihura i anura, a u ornyar a̱ nyôr sha tartor u Aôndo.

Luka 6:46

Inja na nan man ne yerem ner, Tere! Tere! man ne eren akaa a M kaan ga?

YOHANE 14:7

Nea fem yô, ma ne fe Terem kpaa; hii hegen je zan zan ne fa Un ve, ne nenge a Na kpaa.

YOHANE 15:23

U nan kerem ihom yô, nan kôr Terem ihom kpaa.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 5:17

Kpa A gema A kaa a ve er: Terem ngu eren tom her, Mo kpaa M ngu eren tom.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 2:13

Gadia ka mbaungwan a ungwa atindi tsô man vea lu mbaperapera sha ishigh ki Aôndo ga, kpa ka mbaeren a er sha atindi la á na ve ishô ye.

Mbaefese 6:6

I̱ de lu tom u sha ashe a ior tsô er ka mbadoon ityough a ior nahan ga, kpa i̱ lu er mbashiren Kristu tom mba ve eren ishima i Ter a ishima i môm yô.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

1 Mbatesalonika 4:3

Gadia ishima i Aôndo yô, ka i ne, ka mtsegh wen; nyagh nen idya.

1 Mbatesalonika 5:18

Ken hanma kwagh cii, naan nen ishughun, gadia ka ishima i Aôndo sha a ven ken Kristu je ne.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

Mbaheberu 4:6

Nahan yô er i shi u mbagenev vea nyôr ker, man mbala mba ve vande zuan a Loho u Dedoo la ve kera nyôr ga sha ci u ihembeato yô,

Yakobu 1:22

Hingir nen mbaeren a er sha kwaghôron la, i̱ de lu mbaungwan a ungwa tseegh, tsughun ayol a en ga.

1 Peteru 2:15

Gadia ishima i Aôndo yô, kape i lu ne, ka u né eren dedoo man né cir abumeaior zwa sha lanegh vegh ye.

1 Peteru 4:2

sha u ayange a ken iyol a a shi ne her yô, né kera eren sha asaren a ior ga, kpa i̱ lu sha ishima i Aôndo.

Mpase U Yohane 2:27

nana tema tor sha a sha tôgh ku iyôôgh er ka i hembe ityegh avur avur nahan, er Mo kpaa M ngohol tahav hen Terem nahan,

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

Mpase U Yohane 3:5

Or u nan hembe yô, kape á haa nan akondo a pupuu iyol je la, man Me ese iti i nan ken ruamabera u uma kera je ga, kpa Me pase iti i nan sha ishigh ki Terem man sha ishigh ki mbatyomov Nav kpaa.