Mateu 6:9 - ICIGHAN BIBILO

⁹ Yô, eren nen msen nahan, ner: Ter wase u Sha, i̱ tsegha iti You,

Mateu 6:9 Iomraidhean Croise

2 Samuel 7:26

sha er i̱ kende a iti You sha gbem, er i kaan er: TER u akum a Sha ka Aôndo u Iserael; ya u wanakiriki Wou Davidi kpaa una lu sha ishigh You taveraa.

1 Utor 8:43

ungwa Sha, hen ijiir You i teman la, er akaa a orvanava la nan sen U cii; sha er akuraior sha won cii a̱ fa iti You man a̱ cia U, er ior Ou Iserael nahan, man shi a̱ fa er iyou ingin i m maa ne ka iti You i yer i min ye.

1 Kroniku 17:24

Een, i̱ kure un sha er á kende a iti You sha gbem sha won yô, er ior vea kaan er: TER u akum a Sha, Aôndo u Iserael, ka Aôndo u Iserael je; ya u wanakiriki Wou Davidi kpaa, una lu sha ishigh You taveraa,

2 Kroniku 20:6

a kaa er: TERE, Aôndo u uter asev, We U ngu Aôndo u Sha gaa? Ka We U tem tor sha utor mba akuraior cii ye gaa? Ka sha uwegh Ough, tahav mbu lu kua agee kpaa ye, ka nahan man ma or á fatyô u hendan kwagh a We ga ye.

Nehemia 9:5

Tsô Mbalevi: Yeshua man Kademiel, Bani, Hashabeneia, Sherebia, Hodia, Shebania kua Petahia, ve kaa er: Mough, tile nen sha, wuese nen TER, Aôndo wen, hii sha uicôronmbaashighev zan zan gbem sha won; i̱ wuese iti You i iengem i i gande iwuese kua icivir cii inya la.

Upasalmi 111:9

A tindi ior Nav a mpaa; A ver ikuryan Na er i̱ lu gbem; iti Na ka i tseghan man i cier iyol kpaa.

Upasalmi 115:3

Aôndo wase yô, ngu Sha, ka A er hanma kwagh u i doo Un u eren yô.

Upasalmi 72:18

I̱ wuese TER, Aôndo, Aôndo u Iserael, ka Un tseegh A eren akaakpilighyol ye,

Yesaia 37:20

Yô, TERE, Aôndo wase, shi yima se sha ikev na, ityartor i sha won i̱ fa er We u lu TER tswen yô.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 6:3

U môm gema gba yilan ugen kaan er: Icighan, icighan, icighan, kape TER u akum a Sha A lu la; tar cii iv a iengem Na.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yesaia 66:1

TER ngu kaan nahan er: Sha ka ikônough Yagh ki torough je, man tar ka ijiir Yam i pendan angahar sha mi; ka nyi iyou je nea maama? Man ka nyi ijiir je ia lum ijiir i memen heree?

Esekiel 36:23

Me tsegha iti Yam i vesen i i hôngor a i ken akuraior la, i ne hôngor a i ken atô ve la; nahan akuraior aa fa er Mo M lu TER yô, kape Ter AÔNDO A kaa ne, zum u Me pase mtsegh Wam ken a ven sha ashe ve la.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mateu 10:29

Mba teen mbaatsator uhar sha toro gaa? Nahan kpaa mô ve môm tsô kpaa una gba gban shin inya ga saa Ter wen Una fa.

Mateu 23:9

Man shi de yer nen ma or shin tar ne ner ter wen ga, gadia Ter wen ngu môm tsô, ka u A lu Sha la.

Mateu 26:29

Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Mateu 5:16

Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Mateu 5:48

Nahan yô, lu nen vough er Ter wen u Sha A lu vough nahan.

Mateu 6:14

Gadia aluer nea deen ior akaabo a ve yô, Ter wen u Sha di kpaa Una de ne.

Mateu 6:6

Kpa we, shighe u wea eren msen yô, nyôr ken iyou you i ken iuv, u wuhe hunda kera yô, sôn Teru u A lu ken myer la; Una ungwa imo you.

Mateu 7:11

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un, akaa a dedoo ga yee?

Luka 15:18

Me mough me yem hen terem, me za kaa a na mer: Terem m er Un u A lu Sha la kwaghbo m shi m er kwaghbo sha ishigh you kpaa;

Luka 15:21

Wan la kaa a na er: Terem m er Un u A lu Sha la kwaghbo m shi m er kwaghbo sha ishigh you kpaa; m kera kuma u á yilam er wan wou ga.

Luka 2:14

I̱ wuese Aôndo Sha, shin tar yô, bem a̱ lu sha ior mba i doon Un a ve la.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbagalatia 1:1

Paulu apostoli u i lu ior ve tindi un ga, i lu or kpaa nan ver un ga, kpa i lu Yesu Kristu A ver un yô, man shi Aôndo Ter u A nder un shin ku la,

Mbagalatia 4:6

Man sha ci u ne lu ônov yô, Aôndo tindi Jijingi u Wan Na ken asema a en, ngu genger imo er: Aba, Tere.

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

1 Peteru 1:17

Man aluer ne yilan Un er Ter yô, Un u A er ijir i lu sha msange u sha dooshima ga kpa i lu sha ieren i hanma or yô, lu nen a mciem sha ayange a shir wen.

Mpase U Yohane 4:11

We, Ter Aôndo wase, U kuma u ngohol iengem man icivir man agee gadia U gba akaa cii man ka sha ishima You kpaa a lu, shi i gbe a kpaa ye.

Mpase U Yohane 5:12

ve lu kaan sha imo i taver er: Waniyôngo u i senge Un la kuma u ngohol agee man akaa a ngeen wuee man kwaghfan man mtaver man icivir man iengem man iwuese.