Mateu 6:7 - ICIGHAN BIBILO

⁷ Sha msen u eren la kpaa, de zeren nen kimbir gbilin gbilin er atôatyev a eren nahan la ga, gadia mba henen er ka sha kwaghôron ve yum la man á ungwa ve ye.

Mateu 6:7 Iomraidhean Croise

Orpasenkwagh 5:7

Gadia er mnyam ma cien ma lu kpishi nahan, kape kwaghôron u gbilinigh kpaa a ngee la, kpa we yô, cia Aôndo!

Mateu 18:17

Man aluer una ungwa mbala kpaa ga yô, za kaa nongo u Kristu; man shi una ungwa nongo u Kristu kpaa ga yô, a̱ hingir we er ka ortyôtyev man orngoholkpandegh nahan.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Mateu 26:44

A undu ve, A yem, A za er msen u sha kwa tar, A kimbir mkaanem ma ashen la.

Mateu 6:32

Gadia akaa ne cii atôatyev nga keren a, kpa Ter wen u Sha fa er kwagh a gbe ne sha akaa ne cii yô.

Aerenakaa A Mbaapostoli 19:34

Kpa mba kav er a lu Oryuda yô, ve cii ve gba geren imo i môm zan zan kuma er ahwa ahar nahan je, er: Artemi u Mbaefese ka zegekwagh je!