Mateu 6:5 - ICIGHAN BIBILO

⁵ Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

Mateu 6:5 Iomraidhean Croise

Upasalmi 5:2

Ver ato sha imo i myer wam, Tor wam man Aôndo wam; gadia ka We m sen U ye.

Upasalmi 55:17

Iyange i been man pepe man iyange sha tembe m vaan m toghor; A ungwa imo yam kpaa.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 16:5

Hanma or u lun a imanger ken ishima, nan ngu TER kwagh u ndôhôrshima je, mimi je, nana war mtsaha ga.

Yesaia 1:15

Zum u ka nea naregh ave a en yô, M gema M yer ne ishigh Yagh kera; zum u ne seer a seer eren mbamsen kpishi kpaa, M ver ato ga; ave a en iv a awambe.

Yeremia 29:12

Nahan né vaa a Mo, man né za, né za sônom man Mo kpaa Me ver ato her a ven.

Daniel 6:10

Zum u Daniel fa er i wa uwegh sha ingeren la yô, a nyôr ken iyou na, uwindou mba iyou na i sha, lu ivegher, vegher u shin Yerusalem la, a gure inya sha anu na kwa tar hanma iyange, a er msen, a na ishughun sha ishigh ki Aôndo na, er a vanden eren keke nahan.

Mateu 21:22

Akaa a ne sôn ken msen cii, né ngohol, aluer nea na jighjigh yô.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 23:6

Ijiir i teman i injaa i ken uiniongo man mkônom ma injaam ma ken ushinagoge,

Mateu 6:1

Ver nen ishima sha perapera wen la, de eren nen un sha ishigh ki iorough i̱ lu sha ci u ve̱ nenge ga; á lu nahan yô, ne kera mba a injar hen Ter wen u A lu Sha la ga.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:2

Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mateu 9:38

Nahan yô, sôn nen Ter u sunda, A tindi mbatomov ken sunda Na.

Marku 11:25

Man hanma shighe u nea tile u eren msen, man ma kwagh una vihi ne a orgen yô, de nen nan kwagh la, sha u Ter wen u A lu Sha la kpaa, A̱ de ne akaabo a en yô.

Marku 12:38

Ken ityesen na i A tesen yô, A kaa er: Kura nen ayol a en sha mbangeren, mba i doo ve u zenden a ugôgômbarigav man u ior ve̱ sughun ve sha ityembekasua,

Luka 11:43

Kwagh á tser ne! ne Mbafarishi, gadia mkônom ma injaam ma ken ushinagoge hemba doon ne ishima, man shi ishughun i sha ityembekasua kpaa.

Luka 18:1

A shi A ôr ve injakwagh sha u tesen er doo u taver ishima u eren msen zumbee, gban uwer ga.

Luka 18:13

Kpa orngoholkpandegh la yô, tile ken ica je, rumun u kenden ashe sha tsô kpaa ga, kpa a ta uwegh sha vanger, a gba kaan er: Aôndo, zungwem mhôônom, mo orsholibo ne!

Luka 20:47

mba yan uya mba kasev mba côgholov, man eren ugôgômbamsen sha imanger; ka ve je vea hemba zuan a ibo sha ijir ye.

Luka 6:24

Kpa kwagh á tser ne, ne mbanyarev, gadia ne vande zuan a msurshima wen kera ve.

YOHANE 16:24

Zan zan hegen ne mba a sôn kwagh ken iti Yam ga. Sôn nen, né ngohol, sha u iember yen ia hôm yô.

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

1 Mbatesalonika 5:17

Eren nen msen gbem.

Yakobu 4:6

Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.