Mateu 6:34 - ICIGHAN BIBILO

³⁴ Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Mateu 6:34 Iomraidhean Croise

Ukwelegh 3:23

ve mba hegh hanma sev; jighjigh Wou gba ikôr.

Mateu 6:11

na se kwaghyan wase nyian u a lu sha ci u ayange ayange la;

Mateu 6:25

Ka nahan man M kaan ne ye Mer, asema, a̱ de nyian ne sha ci u uma, wen, sha kwagh u né ya man sha kwagh u né ma, shin sha ci u iyol yen, sha kwagh u né zer la, ga. Uma hemba kwaghyan gaa, man iyol kpaa i hemba akondo gaa?

Mateu 6:27

Ka an wen je sha ishima i nyian i nan la, nana fatyô u seer ishiva i môm sha ityaven i nan ase?

Luka 10:41

Kpa Ter gema kaa a na er: Marta, Marta, ishima ngi nyian we, akaa nga zan we iyol kposo kposo.

Luka 11:3

Na se kwaghyan wase u a lu sha ci u ayange ayange la;

Luka 12:11

Man shi zum u vea va a ven hen ushinagoge man hen mbatarev yô, asema a̱ de nyian ne sha inja kwaghôron u né ôr shin sha kwagh u né kaa ga;

Luka 12:22

Tsô A kaa mbahenen Nav er: Ka nahan man M kaan ne ye, mer, asema a̱ de nyian ne sha ci u uma wen sha kwagh u né zer la ga.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Duteronomi 33:25

Uishindan ou ve̱ lu iyôv man togula je; er ayange a ou a lu nahan, kape agee ou kpaa a̱ lu la.

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

1 Peteru 5:7

Gema nen ishima i nyian yen la cii, haa nen sha a Na, gadia ka Un A lu koson ne ye.