Mateu 6:33 - ICIGHAN BIBILO

³³ Kpa vande keren nen tartor Na man perapera Na, man akaa ne cii á seer ne a ye.

Mateu 6:33 Iomraidhean Croise

1 Utor 17:13

Tsô Eliya kaa a na er: De cie ga; za, za er kwagh u u kaa la, kpa vande panden eren mo anakpekpa a mi, va nam, tsô ú mase za eren sha ci wou kua wan wou.

Upasalmi 112:3

Mngee u akaa man inyaregh ki kpishigh vea lu hen ya u nan; perapera u nan kpaa una lu gbem sha won je.

Upasalmi 37:25

Ngise m lu iyev, hegen m bee iyol, nahan kpaa, mayange m ngu a nenge i ta orperapera kera ga, shin tsombor u nan kpaa u sônon kwaghyan ga;

Upasalmi 37:3

Suur sha TER, eren akaadedoo, tema ken tar la, dondo sha kwagh u mimi.

Anzaakaa 10:3

TER Una de uma u mbaperapera er a̱ lu ijen ga, kpa isharen i mbaaferev yô, A mgbegha i kera.

Anzaakaa 28:10

Or u nan er mbaperapera sha u ve̱ kaha ve̱ za sha gbenda u bo yô, nan iyol i nan je nana gba shin ihungwa i nan, kpa mbamimi yô, vea ya dyako u dedoo.

Anzaakaa 8:18

Inyaregh ki hen a mo kua icivir kpaa, een, icôronnyar kua perapera.

Orpasenkwagh 10:2

Ishima i orfankwagh ka i za a nan ken iyan; kpa ishima i ibumeor yô, ka i za a nan ken imese.

Yesaia 26:9

U sar uma wam tugh tsung je, jijingi wam u ken a mo kpaa ngu keren We sha gbashima; gadia shighe u ajiraôron a Ou a lu sha won yô, mba ve tem shin tar la mba henen perapera.

Yesaia 33:6

Akaa aa lu taveraa sha ayange a ou la, myom una lu wuee kua kwagh fan man mfe kpaa; mcie u cian TER ka kwagh na u injaa je la.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 19:29

Man shi hanmô u nan undu uya shin anmgbianev mba nomso, shin mba kasev, shin ter, shin ngô, shin ônov, shin ishule sha ci u iti Yam yô, nana shi á zua a mi kwa akunduatar shi nana zua a uma u tsôron kpaa.

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 4:17

Hen shighe la je Yesu hii u ôron kwaghaôndo, gba kaan er: Gema nen asema, gadia tartor u Sha mgbôghom ve.

Mateu 5:6

Saan mba ijen i ker ve, man imura kpaa, sha kwagh u perapera la iyol, gadia vea ide.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Luka 12:31

Kpa ker nen tartor Na man akaa ne cii á seer ne a ye.

YOHANE 5:4

Gadia ortyom u Sha senen hen ityungu la sha ashighe ashighe, a va kpianger mngerem; nahan or u nana vande hungwan shimi zum u a kpianger mngerem la yô, nan war shin nan lu a nyityô uange kpaa.]

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

Aerenakaa A Mbaapostoli 20:25

Hegen yô, nenge, m fa, ne cii mba m lu zenden her a ven, m lu ôron ne kwagh u tartor u Aôndo ne yô, kera zuan yen ishigh a mo ga.

Aerenakaa A Mbaapostoli 28:31

A̱ lu ôron kwagh u tartor u Aôndo, a lu tesen akaa a sha Ter Yesu Kristu gbar gbar, ma or yange un ga.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 10:3

Gadia ve fa perapera u a dugh her Aôndo la ga, mba keren u veren u ve ayol a ve. Perapera u Aôndo la yô, ve rumun un ga.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

1 Mbakorinte 3:22

shin a lu Paulu shin a lu Apolo shin a lu Kefa shin a lu tar shin a lu uma shin a lu ku shin a lu akaa a hegen, shin a lu akaa a a lu van ken hemen la kpaa, ka a en cii.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

2 Timoteu 1:5

Ka ikav i ijirôron i mimi i Aôndo i tesen er ne kuma tartor u Aôndo u ne lu yan ican sha ci u u la.

1 Timoteu 4:8

Gadia u karen iyol, i̱ taver la tseegh yô, wa ngun a inja kpeghee, kpa u civir Aôndo yô, ngu a inja sha akaa cii gadia ngu a ityendezwa sha uma u hegen ne kua uma u a lu van la kpaa.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.