Mateu 6:27 - ICIGHAN BIBILO

²⁷ Ka an wen je sha ishima i nyian i nan la, nana fatyô u seer ishiva i môm sha ityaven i nan ase?

Mateu 6:27 Iomraidhean Croise

Orpasenkwagh 3:14

M fa hanma kwagh u Aôndo A er yô, una lu gbem; á seer ma kwagh sha mi ga, man á pande ma kwagh sha mi kpaa ga; Aôndo er un nahan, sha u ior ve̱ cia sha ishigh Nagh.

Mateu 5:36

man shi de bumun sha ityough you kpaa ga, gadia gwarce môm tsô kpaa u fatyô u geman un hingir u pupuu shin u il ga.

Mateu 6:25

Ka nahan man M kaan ne ye Mer, asema, a̱ de nyian ne sha ci u uma, wen, sha kwagh u né ya man sha kwagh u né ma, shin sha ci u iyol yen, sha kwagh u né zer la, ga. Uma hemba kwaghyan gaa, man iyol kpaa i hemba akondo gaa?

Mateu 6:28

Inja na nan man asema a nyian ne sha kwagh u akondo? Nenge nen er ityombo i ken toho i vesen yô; ngi eren tom ga, mou kpaa ngi te ga.

Mateu 6:31

Nahan yô, asema a̱ de nyian ne, kaan ner ner: Sé ya nyi? Shin: Sé ma nyi? Shin Sé zer nyi? ga.

Mateu 6:34

Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Luka 10:41

Kpa Ter gema kaa a na er: Marta, Marta, ishima ngi nyian we, akaa nga zan we iyol kposo kposo.

Luka 12:11

Man shi zum u vea va a ven hen ushinagoge man hen mbatarev yô, asema a̱ de nyian ne sha inja kwaghôron u né ôr shin sha kwagh u né kaa ga;

Luka 12:22

Tsô A kaa mbahenen Nav er: Ka nahan man M kaan ne ye, mer, asema a̱ de nyian ne sha ci u uma wen sha kwagh u né zer la ga.

1 Mbakorinte 12:18

Kpa hegen Aôndo ver alegh ken iyol hanmôgh ser ser er i doo Un yô.

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

1 Peteru 5:7

Gema nen ishima i nyian yen la cii, haa nen sha a Na, gadia ka Un A lu koson ne ye.