Mateu 6:25 - ICIGHAN BIBILO

²⁵ Ka nahan man M kaan ne ye Mer, asema, a̱ de nyian ne sha ci u uma, wen, sha kwagh u né ya man sha kwagh u né ma, shin sha ci u iyol yen, sha kwagh u né zer la, ga. Uma hemba kwaghyan gaa, man iyol kpaa i hemba akondo gaa?

Mateu 6:25 Iomraidhean Croise

Upasalmi 55:22

Haa akaa a zan we iyol cii sha TER, tsô Una taver we; Una rumun er i̱ tenger a mbaperapera mayange ga.

Yeremia 45:5

U ngu keren akaa a vesen sha ci wou iyol youwe? De kera keren a ga; gadia nenge, M ngu van a kwagh u bo sha uuma cii, kape TER A kaa ne; kpa Me gema uma wou a̱ hingir we er ka ishar u ye yô, sha ajiir a ú zenden cii.

Mateu 10:19

Kpa shighe u vea za a ven nahan yô, asema a̱ de nyian ne sha kwagh u né kaa ga, gadia hen shighe la je á na ne kwagh u né ôr yô.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 6:31

Nahan yô, asema a̱ de nyian ne, kaan ner ner: Sé ya nyi? Shin: Sé ma nyi? Shin Sé zer nyi? ga.

Mateu 6:34

Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Marku 13:11

Kpa zum u vea za a ven sha u ôron ne ijir yô, asema a̱ de vanden nyian ne sha kwagh u né za ôr ga. Kpa kwagh u á na ne hen shighe la yô, ka un je né ôr ye; gadia ka ne né ôr kwagh ga, kpa ka Icighan Jijingi je.

Marku 4:19

kpa anzughul a tar ne a nyian ishima kua icugh i inyar man asaren a sha akaa agen cii vea va yô, ve imbishi kwaghôron la, nahan a kera ume atam ga.

Luka 12:11

Man shi zum u vea va a ven hen ushinagoge man hen mbatarev yô, asema a̱ de nyian ne sha inja kwaghôron u né ôr shin sha kwagh u né kaa ga;

Luka 8:14

Ivor i i hee ken usaa la yô, ka mba ve ongo, kpa sha ijende ve la anzughul a nyian ishima man inyaregh man ugurgurmbaakaav mba uma ne gema imbishi ve, ve kera ume atam ga.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

1 Mbakorinte 7:32

Sarem u ma ne lu a ishima i nyian ga. Or u nan lu kwav yô, ishima ka i nyian nan sha akaa a Ter, er nana er man á doo Ter yô.

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

WASHIKA U SHA UHAR U PAULU APOSTOLI TINDI HEN TIMOTEU - 2TI 2:4

Ma orutya u nan lu nôngon ityav ave yô nan cimin iyol i nan sha akaa a uma u tar ne ga, gadia ka u nana̱ er kwagh u doon or u a tsough nan sha ci u utya la.

1 Peteru 5:7

Gema nen ishima i nyian yen la cii, haa nen sha a Na, gadia ka Un A lu koson ne ye.