Mateu 6:20 - ICIGHAN BIBILO

²⁰ kpa koson nen akaa a injaa sha ci wen Sha, ape ivina shin nduran ve vihin kwagh ga, mbaiv kpaa ve iin ga la.

Mateu 6:20 Iomraidhean Croise

Yesaia 33:6

Akaa aa lu taveraa sha ayange a ou la, myom una lu wuee kua kwagh fan man mfe kpaa; mcie u cian TER ka kwagh na u injaa je la.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Mateu 6:19

De koson nen akaa a injaa sha ci wen shin tar ne hen ape ivina kua nduran ve vihin kwagh kera, mbaiv kpaa ka ve time ve iin ne ga;

Marku 10:21

Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.

1 Timoteu 6:19

nahan man vea wa imagh ki dedoo sha ci ve ayol a ve ken hemen ye, sha u vea kôr ave sha uma u a lu uma jim la.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Mbaheberu 11:26

A nenge iheen i Kristu hemba lun un a inja a akaa a injaagh a Igipiti cii, gadia a ver ashe sha injar.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

1 Peteru 1:4

se̱ lu a dyako u hôôn ga, u fisee kpaa ga, u usen tsô kpaa ga, u i koso un Sha sha ci wen,

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.