Mateu 6:2 - ICIGHAN BIBILO

² Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mateu 6:2 Iomraidhean Croise

Upasalmi 112:9

nan sar, nan na mbaibanave; perapera u nan una lu gbem sha won je; á kende korough ku nan sha, sha icivir.

Upasalmi 37:21

Iferor ka nan ya injô, nan kimbi ga, kpa orperapera yô, mhôônom ma ker nan, ka nan gba nan tsô.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Anzaakaa 20:6

Ior kpishi mba pasen erdoo ve ken igbar; kpa or u jighjigh yô, ka an nana zua a mini?

Orpasenkwagh 11:2

Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

Yesaia 10:6

Me tindi un er a̱ za ta num sha ikurior i eren dang yum la, man sha ior mba M yugh a ve; Me kaa un Mer, a̱ ya ishar, a̱ sar akaa, a̱ ndyar ve er angbiôr a sha igbenda nahan.

Yesaia 58:7

Shi ka u karen mbagenev kwaghyan wou, man u van a mbaatsanev mba ve lu a ape suur ga hen ya wou gaa?

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Hosea 8:1

Wa korough sha zwa. Bee iguve ngi shilin sha ya u TER; sha ci u ve vihi ikuryan Yam man ve per tindi Wam.

Mateu 15:7

Ne mbaimangerev, kwagh u Yesaia tsengaôron sha a ven yô, ka vough je, er lu kaa er:

Mateu 16:3

A lu pepe yô, ne kaan ner: Nyian Aôndo kohol ura gadia nyian sha man abeen due. Ne mba kaven akaa a sha kwavaôndo, kpa ne mba fetyô u kaven uivande mba ve tesen mlu u ashighe gaa?].

Mateu 22:18

Kpa Yesu kav ifer ve, A kaa er: Ka nyi ne karen Mo, ne mbaatsereghev?

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 23:6

Ijiir i teman i injaa i ken uiniongo man mkônom ma injaam ma ken ushinagoge,

Mateu 24:51

una gber nan atôôn atôôn, una na nan kwar a mbaimangerev imôngo; mliam maa lu keregh kua anyi a yan.

Mateu 5:18

Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:3

Kpa shighe u wea eren iwua yô, de rumun uwegh ough ku imesegh ku̱ fan kwagh u ku yanegh ku eren la ga;

Mateu 6:5

Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

Mateu 7:5

We, orimangeregh ne, vande dughun gungurkon ken ishe you kera, nahan man u nenge dedoo sha u ú za dugh anivurkon la ken ishe i anmgbian wou kera ye.

Marku 12:39

man shi mkônom ma injaam ma ken ushinagoge kua ajiir a teman a injaa ken uiniongo hemba doon ve ishima;

Marku 7:6

Kpa A kaa a ve er: Kwagh u Yesaia a tsengaôron sha a ven yô, ka vough je, ne mbaimangerev, er i nger nahan er: Nongoior ne ngu civir Mo sha ityumbuzwaav tseegh, kpa ishima ve yô, ngi ica a Mo je;

Luka 11:41

Kpa na nen iwua sha akaa a lu kimi; nahan man akaa cii aa lu ne wang ye.

Luka 11:43

Kwagh á tser ne! ne Mbafarishi, gadia mkônom ma injaam ma ken ushinagoge hemba doon ne ishima, man shi ishughun i sha ityembekasua kpaa.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 12:56

Ne mbaimangerev, ne fa u tôvon sha anzaakaa a shin tar man a sha kwavaôndo, kpa er nan man ne kera fe u tôvon kwagh u shighe ne ga?

Luka 13:15

Kpa Ter gema kaa a na er: Ne mbaimangerev, hanmô wen kpaa ka nan sagh bua u nan shin jaki i nan hen anar u haan ilev kwaghyan shimi sha iyange i memen, nan za na un mngerem er a̱ ma gaa?

Luka 20:46

Kura nen ayol a en sha mbangeren, mba i doo ve u zenden a ugôgômbarigav man u ior ve̱ sughun ve sha ityembe kasua, man mba ajiir a teman a injaa ken ushinagoge kua mkônom ma injaam ken uiniongo hemba doon ve;

Luka 6:24

Kpa kwagh á tser ne, ne mbanyarev, gadia ne vande zuan a msurshima wen kera ve.

Luka 6:42

Shin u er nan man u fatyô u kaan a anmgbian wou wer: Anmgbian, de, m̱ dugh u anivurkon u a lu u ken ishe, man we iyol you, u nenge gungurkon u u lu u ken ishe la ga ase? We orimangeregh ne, vande dughun gungurkon ken ishe you kera, nahan man ú nenge doo doo er ú dugh anivurkon u a lu anmgbian wou ken ishe la kera ye.

YOHANE 13:29

Gadia mbagenev lu henen er, ka sha ci u Yuda a tilin ikpanyar man Yesu kaa a na er: Yam akaa a a gbe se sha iniongo yô, shin a̱ na mbaatsanev ma iwua.

YOHANE 5:41

Kwagh gbam a civir i i dugh hen ior la ga.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

YOHANE 7:18

Or u nan gbe ôron kwagh sha tahav mbu nan iyol i nan yô, ka icivir i nan tsô nan keren ye. Kpa u nan keren icivir i u a tindi nan la yô, ka nan je nan lu u mimi ye, man ma iferkwagh môm ngi ker a nan kpaa ga.

Aerenakaa A Mbaapostoli 10:2

Un lu or u jighilaa, u civir Aôndo a ior i hen ya na cii, lu nan nongoior la uiwua kpishi, man sônon Aôndo gbem kpaa.

Aerenakaa A Mbaapostoli 10:31

m nenge orgen tilem sha ishi a akondo a engem iyol, a kaa er: Korneliu, i rumun msen wou, man shi i umbur uiwua ou sha ishigh ki Aôndo.

Aerenakaa A Mbaapostoli 10:4

A kenger un, cier un iyol, a kaa er: Ka nyi, tere? A kaa a na er: Mbamsen ou man uiwua ou ve kôndo sha, hingir kwagh u Aôndo Una umbur je.

Aerenakaa A Mbaapostoli 11:29

Mbahenen wa ken ishima er hanmô ve nana nôngo sha kwagh u nan fatyô yô, sha u tindin a iwasen hen anmgbianev mba ve tem ken Yudia la.

Aerenakaa A Mbaapostoli 24:17

Tsô anyom nga kar kpishi yô, m mough sha u me va nongo wam a uiwua man sha u va nan iniav kpaa.

Aerenakaa A Mbaapostoli 9:36

Orhenen ugen u kwase lu ken Yopa, iti na er Tabita, inja na yô, er Dorka. Kwase la lu a aeren a dedoo kpishi, man iwua i nan kpaa.

Mbaromanu 12:8

or u i ne nan u wan kwagh yô, nana̱ waan kwagh; or u nan iwua kpaa, nana̱ na sar sar; or u nan hemen ior kpaa i̱ lu sha ishima i tseen; or u nan zungu mhôônom kpaa nana̱ zungwen saan saan je.

1 Mbakorinte 13:3

Man aluer mea gema akaa a m lu a mi cii, mea kar mbagenev shin aluer mea na iyol yam mer, i̱ nandem sha usu kpaa, mea lu a dooshima ga yô, á lum a inja sha ma kwagh môm môm ga.

Mbagalatia 2:10

Ka mbaatsanev tseegh i lu ve ka ma se umbur ve ye, man lu kwagh la je i gbam ken ishima u eren ye.

Mbaefese 4:28

Or u iin nana̱ de kera shi iin ga, kpa guda yô, nana̱ nôngo tsung, nana̱ er tom u mimi sha ave a nan, tsô nana lu a kwagh u panden nan orgen u kwagh a gbe nan yô.

1 Mbatesalonika 2:6

shin u keren icivir hen ior, shin her a ven, shin hen mbagenev kpaa ga; ma se fetyô u zan ne iyol kpaa, er se lu mbaapostoli mba Kristu yô.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

Filemon 1:7

Gadia m ember kpishi shi m zua a ishimasurun sha dooshima wou, anmgbian, er u ne asema a taver uicighanmbaiorov yô.

Mbaheberu 13:16

Kpa u eren dedoo man shi u panden karen ior a̱ de hungul ne ga gadia anza a iniav mbin ne doo Aôndo.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.