Mateu 6:19 - ICIGHAN BIBILO

¹⁹ De koson nen akaa a injaa sha ci wen shin tar ne hen ape ivina kua nduran ve vihin kwagh kera, mbaiv kpaa ka ve time ve iin ne ga;

Mateu 6:19 Iomraidhean Croise

Yobu 24:16

Ken ime ve pev ayou; atetan ve yer ayol a ve, ve fa iwanger ga.

Yobu 31:24

Aluer mea veren ishima yam sha zenaria, man mea kaan a zenaria u wang mer: We u ngum kwagh u suur sha mi yô;

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Upasalmi 62:10

De suur nen sha mkighir ga, man shi de veren ishima sha u i ga. Aluer inyaregh kia seer yô, de veren ishima sha ki ga.

Ekesodu 22:2

Aluer á kôr ormbaiv iin ave je, man á gbidye nan, nana kpe yô, ibo ia lu sha awambe a nan la ga,

Anzaakaa 11:4

Inyaregh ki lu a inja sha iyange i ishima i vihin la ga, kpa perapera yô, ka a yima ken ku.

Anzaakaa 16:16

U zuan a kwaghfan hemba doon a zenaria ca je gaa! Een, u zuan a mkav hemba doon a u tsuwan azurfa.

Orpasenkwagh 2:26

Gadia ka or u i doo Un a nan la, ka nan Aôndo A ne nan kwaghfan man mfe kua iember ye; kpa orisholibo yô, ka A na nan tom er nana̱ kohol nana̱ ta tihi, nahan á gema á na or u i doo Aôndo a nan yô. Kwagh ne kpaa ka gbilinkwagh, ka u zendan di ahumbe ityô tsô.

Sefania 1:18

Azurfa ve shin zenaria ve, vea fatyô u yiman ve sha iyange i iyugh i TER ga; kpa sha usu u iwuhe Na la, tar cii ua hia kera; gadia Una va a mtim, ka mkur u cieryol je, sha mba ve tem ken tar cii.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Mateu 6:20

kpa koson nen akaa a injaa sha ci wen Sha, ape ivina shin nduran ve vihin kwagh ga, mbaiv kpaa ve iin ga la.

Luka 12:21

Or u nan lu koson inyaregh sha ci u iyol i nan, kpa nan kera lu ornyar sha kwagh u Aôndo ga la, kape kwagh u nan a lu ne.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 12:39

Kpa fa nen ner, aluer orya una fe shighe u ormbaiv a ve yô, ma a kor, ma a de er i̱ pev un iyou ga.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Luka 18:24

Yesu nengen na yô, A kaa er: Ka ican tsô u mba ve lu a inyaregh vea nyôr sha tartor u Aôndo.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.