Mateu 5:9 - ICIGHAN BIBILO

⁹ Saan mba ve ker num la iyol, gadia á yila ve er, ônov mba Aôndo.

Mateu 5:9 Iomraidhean Croise

1 Kroniku 12:17

Nahan Davidi due za kegh ve gbenda, a kaa a ve er: Aluer nea va her a mo sha bem sha u va wasen mo yô, ishima yam ia var a ven; kpa aluer nea va sha u va nengen mker, nan mo sha ikev i mbaahendanev av, er ma ibo i lu sha ave am kpaa ga yô, Aôndo u uter asev A̱ nenge kwagh la, man A̱ yange ne.

Upasalmi 120:6

Uma wam tema ya môm a mba ve ker bem ihom la, caigba yum!

Upasalmi 34:12

Ka anti je uma a sar nan, man nan soo u tsan sha won, sha er nana nenge a akaa a dedoo?

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Mateu 5:48

Nahan yô, lu nen vough er Ter wen u Sha A lu vough nahan.

Luka 20:36

Gadia vea kera fatyô u shi kpen mayange ga, gadia ka ve lu er mbatyomov mba Shaav nahan, er ônov mba Aôndo je nahan sha ci u ve lu ônov mba mnder u shin ku yô.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Aerenakaa A Mbaapostoli 7:26

Kper nan gen kpaa shi a ande hen ve, ve lu nôngon num; tsô a kaa er: Ne nomso, ne mba anmgbianev je, man ka nyi ne eren kwagh u sha mi ga hen ayol a en nahana?

Mbaromanu 12:18

Aluer a fatyô yô, lu nen bem a ior cii ape kwagh wen a lu sha mi la.

Mbaromanu 8:14

Ve mba Jijingi u Aôndo A hemen ve la cii, ka ônov mba Aôndo je la.

Mbaromanu 8:16

Ka Jijingi iyol Na A lu eren shiada vea jijingi wase imôngo er, se mba ônov mba Aôndo ye.

Mbaromanu 8:19

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

1 Mbakorinte 6:6

Angbian ka a gema a za yila anmgbian ijir man i lu hen mbanan jighjigh ga la jee?

2 Mbakorinte 13:11

Kwagh u a shi yô, anmgbianev, ember nen, sôr nen mbamlu enev, ungwa nen kwaghwan, lu nen ishima i môm, lu nen bem bem man Aôndo u dooshima man u bem Una lu a ven ye.

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaefese 4:1

Mo orkwar u ken Ter ne, m ngu wan ne kwagh mer, zende nen zende u u kom sha myer u i yila ne la,

Mbafilipi 4:2

M ngu wan Yuodia kwagh shi m ngu wan Suntuki kwagh kpaa mer, ve̱ zua, ve lu kwaghmôm ken Ter.

Mbakolose 3:13

Waan nen ishima a ayol a en, deen nen ayol a en kwaghbo aluer kwagh á nzughul orgen a orgen yô, er Ter A de ne akaabo nahan, ne kpaa kape eren nen la.

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.