Mateu 5:7 - ICIGHAN BIBILO

⁷ Saan mba ve zungu mhôônom la iyol, gadia á zungwe ve mhôônom.

Mateu 5:7 Iomraidhean Croise

2 Samuel 17:28

ve va a ugambe man utasa man ityev man alakema man shair man mwem man alakema u kaan man alev a vesen kua a kiriki,

2 Samuel 22:26

Or u nan zungu mhôônom yô, U tese di nan mhôônom Ou ma zungwen je; or u mimi yô, U tese nan mimi Wou je

Upasalmi 112:4

Iwanger due kôndo sha ken ime sha ci u mba ve lu a mimi yô, a mrumun u sha mhôôn man mhôônom ma zungwen man perapera kpaa.

Upasalmi 112:9

nan sar, nan na mbaibanave; perapera u nan una lu gbem sha won je; á kende korough ku nan sha, sha icivir.

Upasalmi 18:25

Or u nan zungu mhôônom yô, U tese di nan mhôônom Ou ma zungwen je; or u mimi yô, U tese nan mimi Wou je;

Upasalmi 37:26

iyange jimin cii nan eren kwagh sha mhôônom ma zungwen, nan pwaren kwagh, tsombor u nan kpaa ua lu a iveren.

Anzaakaa 11:17

Or u zungwen mhôônom ka iyol i nan je nan eren a i dedoo ye, kpa ipiraor yô, ka iyol i nan je, nan eren i ican ye.

Anzaakaa 11:25

Or u nan nagh yô, nana mgbough a akaa, man shi or u nan ne mngerem ma man yô, nan iyol i nan kpaa á na nan mngerem.

Anzaakaa 14:21

Or u nan lahan or u nan we ndor a nan yô, nan ngu eren kwaghbo, kpa or u mhôônom ma ker nan a mbaatsanev yô, saan nan iyol.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Yesaia 57:1

Orperapera ka nan saa kera, kpa ma or nan wa iko her ga; mba tôôn mba ve we Aôndo iko mbala kera, kpa ma or nan kera hen ken ishima i nan er i lu sha ci u palegh kwaghbo man i tee orperapera kera nahan ga;

Daniel 4:27

Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 2:1

Kaa nen a anngôôv enev mba nomso ner: Ami (Iorav); man a anngôôv enev mba kasev ner: Ruhama (i zungwe ve mhôônom).

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Marku 11:25

Man hanma shighe u nea tile u eren msen, man ma kwagh una vihi ne a orgen yô, de nen nan kwagh la, sha u Ter wen u A lu Sha la kpaa, A̱ de ne akaabo a en yô.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Mbaromanu 11:30

Er ne kpaa ngise ne hemba Aôndo ato kpa ainge i zungu ne mhôônom sha ci u ihembeato ve la yô,

1 Mbakorinte 7:25

Sha kwagh u anuunaukase yô, m ngu a tindi u a dugh hen Ter ga, kpa me na mhen wam, mo u m lu or u jighjigh sha mhôônom ma zungwen ma Ter yô.

2 Mbakorinte 4:1

Nahan yô, er se lu a tom ne sha mhôônom ma i zungu se la yô, asema kera nga yinan se ga.

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

1 Timoteu 1:13

shin er yan m lu or u ityuhwan, man or u tôvon mbagenev a ican man shi ipilaor nahan kpaa. Kpa i zungwem mhôônom gadia m lu eren sha lan man sha jighjigh u nan ga kpaa.

1 Timoteu 1:16

Ka nahan man i zungwen mhôônom ye, ka sha u Yesu Una tese ishimawan Na cii ken mo u m hembe ne, i̱ hingir mbagenev ikav mba vea mase va nan Un jighjigh sha u zuan a uma u tsôron yô.

Mbaheberu 4:16

Nahan yô, se kporom nen hen ikônough ki torough ki mhôôn vangertiôr sha u sé ngohol mhôônom ma zungwen man shi i̱ rumun se sha mhôôn, i̱ wase se sha shighe vough.

Mbaheberu 6:10

Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

1 Peteru 2:10

Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom.