Mateu 5:37 - ICIGHAN BIBILO

³⁷ Kpa kwaghôron wen yô, “Een” wen a̱ lu “een” heregh, man “ei” wen kpaa, a̱ lu “ei” heregh. Kwagh u una seer sha mban yô, ka u a dugh ken ifer je la.

Mateu 5:37 Iomraidhean Croise

Mateu 13:19

Hanma or u ka nana̱ ungwa kwaghôron u tartor man nana̱ kav ga yô, or u ifer a va, a va tsuwe kwagh u i lee ken ishima i nan la kera; ka u i te ivor hen a nan sha kpegbenda je la.

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

Mateu 15:19

Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

Mateu 5:36

man shi de bumun sha ityough you kpaa ga, gadia gwarce môm tsô kpaa u fatyô u geman un hingir u pupuu shin u il ga.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

YOHANE 17:15

M ngu eren msen Mer: Kura ve shin tar ne kera ga, kpa M ngu sônon Mer kura ve sha ifer.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

Mbaefese 6:16

Er ne lu a akaa ne cii yô, shi tôô nen akuvautya, ka jighjigh u nan je la, u né fatyô u pirin avaan a usu a orbo la a mi cii yô.

Mbakolose 3:9

De eren nen aie hen ayol a en ga gadia ne dugh tseor kua aeren a na la kera,

Mbakolose 4:6

Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

2 Timoteu 3:3

Kpa Ter ka u jighjigh je, Una taver ne agee, Una shi Á kura ne sha ikev i Orbo kpaa.

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.

1 Yohane 2:13

M ngu ngeren ne, uter, gadia ne fa Un u A lu sha hiihii je yô. M nger ne ikaior gadia ne hemba Orbo.

1 Yohane 3:12

i̱ de luun er Kain u a due ken Orbo man a wua anngô na la nahan ga; man i lu sha ci u nyi man a wua unu? Ka sha ci u aeren a na lu a bo, kpa a anngô na gema lu a perapera yô.

1 Yohane 5:18

Se fa, hanma or u Aôndo mar nan yô, nan eren isholibo ga, kpa u Aôndo a mar nan yô, nan kor a kura iyol i nan, mayange Orbo benden nan ga.