Mateu 5:34 - ICIGHAN BIBILO

³⁴ Kpa Mo yô, M kaan ne Mer: De bumun nen mayange ga: shin Sha ga, gadia ka ikônough ki Aôndo ki torough je;

Mateu 5:34 Iomraidhean Croise

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Orpasenkwagh 9:2

Akaa cii nga ve sha ior inja i môm; ci môm ngu sha ci u orperapera man iferor kpaa, man ormimi kua or u wang man or u nan lu wang ga kpaa, man or u nan ne nagh kua or u nan ne ga kpaa; er ormimi nan lu nahan, kape orsholibo kpaa nan lu la; man or u bumun kpaa nan ngu er or u cian mbum nahan.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 66:1

TER ngu kaan nahan er: Sha ka ikônough Yagh ki torough je, man tar ka ijiir Yam i pendan angahar sha mi; ka nyi iyou je nea maama? Man ka nyi ijiir je ia lum ijiir i memen heree?

Aerenakaa A Mbaapostoli 7:49

Sha ka ikônough Yagh ki torough, tar yô, gema ka kwagh Wam u pendan angahar sha mi. Ka nyi iyou je né maama? Kape Ter A kaa la. Shin ijiir Yam i memen yô, ka nyi?

Yakobu 5:12

Kpa kwagh u a hembe cii yô, anmgbianev av, de bumun nen ga, shin a lu sha kwavaôndo shin a lu sha tar shin mbum ugen kpaa ga, kpa “een” wen yô, a̱ lu “een” man “ei” wen kpaa shi a̱ lu di “ei” je, sha u né va gba ken ibo i yan ga yô.