Mateu 5:3 - ICIGHAN BIBILO

³ Saan mba ve lu mbaibanave ken jijingi la iyol, gadia tartor u Sha ka u ve je.

Mateu 5:3 Iomraidhean Croise

2 Kroniku 33:12

Shighen u a lu ken ican la yô, a zamber a TER, Aôndo na, a hire a iyol na ijime tsung je, sha ishigh ki Aôndo u uter nav.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

2 Kroniku 34:27

er u lu a ishima i legh legh, u hire a iyol you ijime sha ishigh ki Aôndo, zum u u ongo kwaghôron Na u sha ijiir ne kua sha mba ve tem ken i kpaa, man u hire a iyol you ijime sha ishigh Yagh, u ande akondo a ou, u vaa sha ishigh Yagh kpaa yô, nahan Mo kpaa M ungwa u, kape TER A kaa la.

2 Kroniku 7:14

man aluer ior Av mba i yer ve sha iti Yam ne, vea hide a ayol a ve ijime, vea er msen vea ker ishigh Yagh, vea undu igbenda i ifer ve yô, Me ungwa Sha, Me de ve akaabo a ve, shi Me sôr tar ve kpaa.

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Upasalmi 1:1

I saan or u nan zenden sha mhen u mbaaferev ga la iyol, gbenda u mbaasorabo nan til sha u ga, mbanahantar kpaa nan tem imôngo a ve ga;

Upasalmi 112:1

Haleluya. Saan or u nan cie TER la iyol, man atindi a Na a doo nan ishima tsung la.

Upasalmi 128:1

Hanma or u nan cie TER, shi nan zenden sha igbenda Na yô, saan nan iyol.

Upasalmi 146:5

Saan or u Aôndo u Yakob A lu iwasen i nan la, iyol, u ishimaverenkeghen i nan kpaa, i lu sha TER, Aôndo u nan yô,

Upasalmi 2:12

Suse nen Wan zwa, sha er A̱ de yugh man né saa ishe sha gbenda ga yô; gadia ka Un ican u yuwen ga. Mba ve suur sha a Na cii saan ve iyol!

Upasalmi 34:18

TER ngu ikua a mba asema a vihin ve la, yem mba ve lu a ishima i zamber yô.

Upasalmi 41:1

Saan or u nan we mbaatsanev iko la, iyol, TER Una yima nan sha iyange i bo.

Upasalmi 51:17

Nagh ku Aôndo A rumun yô, ka jijingi u zamber; ishima i zamber, i uren tsung yô, Ú laha ga, Aôndo.

Upasalmi 84:12

TER u akum a Sha, or u nan suur sha a We yô, saan nan iyol. Ngun ka sha ci u orhemen u mbawanatsam. Ka Pasalmi u ônov mba Kora

Anzaakaa 16:19

Guda u lun icanor ken jijingi a mbaatsanev imôngo, a u karen ishar a mbagengeseyol la.

Anzaakaa 29:23

Mgengeseyol u or una hile a nan ijime, kpa u nan hidi a iyol i nan ijime yô, nana zua a icivir.

Anzaakaa 8:32

Hegen yô, ne ônov, ver nen ato her a mo, gadia saan mba ve we igbenda yam iko la, iyol.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 11:6

Man or u nana nôngo gbev ken a Mo ga yô, á saan nan iyol.

Mateu 13:16

Kpa ne yô, saan ashe a en iyol, gadia nga nengen, ato a en kpaa saan a iyol gadia nga ungwan.

Mateu 19:14

Kpa Yesu kaa er: De nen mbayev mba kiriki, de kera yangen nen ve u van her a Mo ga, gadia ka anza a mban ne je tartor u Sha u lu u ve ye.

Mateu 24:46

Wanakiriki u ter u nan una hide, una va kohol nan eren nahan la yô, á saan nan iyol.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 8:11

Man shi M ngu kaan ne Mer, ior kpishi mba ken ityoughkitaregh man shin ityôtar kpaa, vea va, vea va tema a Aberaham man Isaka man Yakob ken tartor u Sha imôngo,

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Luka 22:29

Nahan M ver ne tartor er Terem kpaa A verem nahan,

Luka 22:30

sha u né ya kwagh, né ma kwagh sha tebul Wam man né tema sha mkônom ma torom, né ôr ijir sha ikwe i Mbaiserael i pue kar ihiar la ye.

Luka 4:18

Jijingi u Ter ngu sha a Mo, sha ci u A shighem mkurem, A tindim er M̱ yôô Loho u Dedoo hen mbaatsanev,

YOHANE 20:29

Yesu kaa a na er: Ka sha ci u u nenge a Mo man u ne jighjigh yee? Saan mba ve nenge ga kpa ve ne jighjigh la iyol.

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Yakobu 1:10

u nan lu ornyar yô, nana̱ ta ihagh sha mlu u nan u icivirigh ga la gadia nana va kar kera er ikparentoho nahan.

Yakobu 1:12

Or u nan taver ishima ken imeen yô, saan nan iyol, gadia zum u nana kar ikaren i i lu karen nan la yô, nana ngohol tsar u uma u A tende zwa sha mi a mba A doo ve ishima yô.

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

Mpase U Yohane 19:9

Tsô ortyom u Sha kaa a mo er: Nger wer: Mba i lehe ve iniongo i kwasehe i Waniyôngo yô, saan ve iyol. Shi a kaa a mo er: Angan ka akaaôron a Aôndo a mimi.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

Mpase U Yohane 3:17

Gadia u ngu kaan wer, m ngee a akaa, m hingir u lun a kwagh ave kpishi, ma kwagh kera banem ga, kpa u kera fa er u gbe kera, u lu mhôônom mhôônom, u kungu ican, u pir ashe, u lu idyelegh kpaa ga.