Mateu 5:22 - ICIGHAN BIBILO

²² Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Mateu 5:22 Iomraidhean Croise

Genese 37:4

Anngôôv nav kav er a hembe doon ter ve ishima a anngôôv nav cii yô, ve kôr un ihom je, ve kera fatyô u ôron kwagh a na bem bem ga.

Genese 37:8

Anngôôv nav kaa a na er: Nahan yô, ú tema tor sha a vese he? Shi ú lu a tahav sha a vese kpaa ha? Nahan shi ve seer kôron un ihom sha ci u mnyam ma ma cien un kua sha akaaôron a na la kpaa.

2 Samuel 16:7

Shimei lu tuhwan kaan er: Yem kera, yem kera, we or u haan awambe, we gbilinor ne;

2 Samuel 6:20

Tsô Davidi hide sha u una ver ior mba hen ya na doo doo yô. Nahan Mikal wan u Saulu due u va keghen Davidi gbenda, a kaa er: Tor u Iserael ngu a icivir sha ashe a ior nyian tsôô, a er akondo kera sha ashe a ikpan i ukase i mbayev nav, vough er gbilinor u lun a kunya ga ka nan gba saghen ikondo nahan!

1 Utor 21:4

Tsô Ahaba nyôr ken iyou na, hingir zunguluu, ishima vihi un sha kwaghôron u Naboti Oryesereel ôr a na la, er a kaa er: Me na u dyako u uter av ga. Nahan a za yav sha gambe na, a gema ishigh kera, a venda kwaghyan.

2 Kroniku 16:10

Tsô ishima nyoon Asa a ornengenakaa la, a wa un ken gaadi, gadia ishima vihi un a na kpishi sha ci u kwagh ne. Man shi Asa er ior mbagenev ican hen shighe la kpaa.

2 Kroniku 19:5

A ver mbaajiriv ken tar la, ken agar a lun a ugir ken Yuda, sha agar agar;

Nehemia 5:8

M kaa a ve, mer: Se yô, sha mfetyô wase yô, se paa anmgbianev asev Mbayuda, mba lu i tee ve atôatyev yam la; man ne yô, gema ne mba teen anmgbianev enev; nahan doo u ve̱ tee ayol a ve, se se̱ yama? Tsô ve huan ving, ve kera fa kwagh u vea kaa ga.

Upasalmi 109:3

Ve toor a mo cam ce cam sha akaaôron a sha ihom, ve gba nôngon num a mo sha ityôikaa ga.

Upasalmi 14:1

Ibumeor ka nan kaa ken ishima i nan er: Aôndo ngu ga; ve er akaadang a ndôhôrshima; mô u eren dedoo nan ngu ga.

Upasalmi 25:3

Een, ve cii mba ve veren ashe We yô, vea va ahenge ga; mba ve eren akaa sha icugh sha ityôikaa ga yô, ka ve je vea va ahenge ye.

Upasalmi 35:19

Ve mba ve lu mbaihomov av sha aie la, ve̱ de ember sha a mo ga; man shi mba ve kerem ihom sha ityôikaa ga la, ve̱ de kamen ashe sha a mo ga.

Upasalmi 37:8

De ishima i nyoon, de iyugh; ishima i̱ de vihin we ga, ka u nan or, ifer i eren tsô.

Upasalmi 49:10

gadia nan nengen mbafankwagh mba kpen, ibumeor man or u tumbuluu ka ve saa ishe imôngo, ve gema ve undu mbagenev a inyaregh vegh.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Upasalmi 7:4

aluer m or or u doon a mo iyev i ifer —mimi je, un u a gbe moughon num a mo a ityôikaa ga la, m yima un—

Upasalmi 92:6

Orlanenkwagh fe ga, ibumeor kpaa nan kaven kwagh ne ga:

Anzaakaa 14:16

Orfankwagh ka nan cian ifer, shi nan pav a i kpaa, kpa ibumeor yô, ka nan cihin kwagh, nan cian kwagh ga.

Anzaakaa 18:6

Ityumbuzwaagh i ibumeor ka i va a ayôôso, zwa u nan kpaa u keren gbidiv.

Yeremia 17:11

Er ikuna i ka i tsev aji a i lu i, i te a ga yô, kape or u nan kohol inyaregh, kpa i lu sha gbenda u mimi ga, nan lu la; ken atô u ayange a nan nana undu ki man sha mkur u nan yô, nana hingir ibumeor.

Ukwelegh 3:52

Ve zendam tsung er ka inyon nahan, ve mba ve lu mbaihomov av, a ityôikaa ga la.

Daniel 3:13

Tsô Nebukadinesar kaa sha ishima i vihin man iyugh na i tsung er, i̱ va a Saderaki man Meshaki man Abedi-nego. Tsô i va a ior mbala sha ishigh ki tor.

Daniel 3:19

Nahan ishima vihi Nebuka-dinesar kpishi, mlu u ishigh nagh gema kposo a Saderaki man Meshaki man Abedi-nego; nahan a ôr kwagh, a kaa er, i̱ kende usu u̱ hemba tseen a u i vande keer kwa taankaruhar.

Obadia 1:10

Sha ci u ipilakwagh u i er anngôu Yakob la, kunya ua kôr u, man á tim u sha won kera.

Obadia 1:12

De kenger anngôu a iember sha iyange i ican na ga; man de ember nen sha iyange i mtim u ônov mba Yuda ga; man shi de er kwagh sha imanger sha iyange i kwagh a tser ve la ga.

Mateu 10:17

Kura nen ayol a en sha ior; gadia vea kôr ne vea za na hen mbamkohol mba mbaajiriv, man vea gbidye ne ken ushinagoge vev kpaa;

Mateu 10:28

Man de cie nen mba ve woo iyol tseegh, kpa ve fetyô u wuan uma ga la ze; guda cia nen Un u A fetyô u timin uma kua iyol cii ken gehena.

Mateu 12:24

Kpa Mbafarishi mba ongo nahan yô, ve kaa er: Un gbe dughun ujijingi mba bov kera ga, saa di sha Belesebu, tor u ujijingi mba bov la.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 18:21

Tsô Peteru va her a Na, va kaa a Na er: Tere, ka acin a me je man anmgbian wam una eren kwaghbo man me de unu? I̱ lu zan zan kwa taankaruhara?

Mateu 18:35

Kape Terem u A lu Sha kpaa Una er a ven la, aluer ne kpaa hanmô wen nana de anmgbian u nan akaabo a nan gbar gbar ga yô.

Mateu 23:15

Kwagh á tser ne, ne mbangeren man Mbafarishi, ne mbaimangerev, gadia ka ne ningir zegemnger man tar sha u keren or môm ner, nana gema nana nyôr nongo wen la; nana hingir nahan yô, ne gema nan, nan hemba lun wan u gehena, a ven kwa har je.

Mateu 23:33

Ne iyô, ne ônov mba igbindev! Né er nan man né war ibo i nan i ken gehena la?

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 26:59

Upristi mba tamen man mkohol cii gba keren shiada u aiegh sha Yesu sha u vea wua Un yô,

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Mateu 5:34

Kpa Mo yô, M kaan ne Mer: De bumun nen mayange ga: shin Sha ga, gadia ka ikônough ki Aôndo ki torough je;

Mateu 5:44

Kpa Mo yô, M kaan ne Mer: Doo nen a mbaihomov enev, man shi eren nen msen sha ci u mba ve tev ne a ican yô;

Marku 14:55

Upristi mba tamen man mkohol la cii, gba keren ityôkwagh sha Yesu, sha u vea wua Un yô, kpa ve zua a min ga.

Marku 15:1

Fese nahan er sev av yô, upristi mba tamen kua mbatamen man mbangeren kua mkohol u mbaajiriv cii, ve hen imôngo, ve kange Yesu ve yem a Na, ve za na sha ikev i Pilatu.

Luka 12:5

Kpa Mo Me kaa ne u a lu u ne cia Un yô; cia nen Un u Una wua man shi Una fatyô u gbihin ken gehena kpaa la; M ngu kaan ne, ka Wen cia nen ye.

Luka 22:66

Sev mbu av yô, mkohol u mbatamen zua, lu upristi mba tamen kua mbangeren; tsô ve za a Na hen mkohol u ijir ve.

YOHANE 11:47

Tsô upristi mba tamen man Mbafarishi ve zua mkohol, ve kaa er: Se er nana, gadia Or ne ngu eren uivande kpishi.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

YOHANE 7:20

Ikpelaior gema kaa er: U ngu a jijingi u bo, ka an nan keren We a ku?

YOHANE 8:48

Mbayuda gema kaa a Na er: Kera ka sha mi je se kaan ser, U ngu Orsamaria man U ngu a jijingi u bo kpaa ye gaa?

Aerenakaa A Mbaapostoli 17:18

Man mbafankwagh mbagenev ken nongo u Epikuria man u Setoika kpaa ve za ya gadoga a na. Tsô mbagenev kaa er: Orlyam ne yô, ka un ka ôron nyi? Mbagenev gema kaa er: Ngu er ka or u pasen kwagh u mbaaôndo mba hev, lu sha ci u a lu ôron kwagh u Yesu man mnder u shin mbakpenev yô.

Aerenakaa A Mbaapostoli 22:30

Kper nan gen yô, er i lu un ka fan ityôikaa i Mbayuda ve yila un ijir a mi jim la yô, a sagh un, a kaa er upristi mba tamen man mbaajiriv cii ve̱ kohol; tsô a va a Paulu a ver ve un sha ishi.

Aerenakaa A Mbaapostoli 23:1

Tsô Paulu bon ashe sha mbaajiriv, kaa er: Ne anmgbianev, m zenden m luun a imo i dedoo ken ishima sha ishigh ki Aôndo zan zan nyian.

Aerenakaa A Mbaapostoli 24:20

A lu nahan ga yô, mban ayol a ve, ve̱ ter ase ma kwaghbo u ve zough a mi her a mo zum u m tile sha ishigh ki mkohol la,

Aerenakaa A Mbaapostoli 4:15

Kpa ve kaa a ve er, ve̱ hira due ken mkohol kera, tsô ve kôso kwagh ayol a ve,

Aerenakaa A Mbaapostoli 5:21

Mba ongo nahan yô, ve za nyôr ken tempel pepe, ve gba tesen. Kpa zegepristi va kua mba ve lu a na ityô, ve lôhô mkohol kua mbatamen mba Iserael cii, ve tindi hen gaadi er i̱ va a ve.

Aerenakaa A Mbaapostoli 5:27

Mba ve a ve yô, ve ver ve sha ishigh ki mkohol. Tsô zegepristi kaa a ve er:

Aerenakaa A Mbaapostoli 6:12

Nahan ve kende ikpelaior asema sha kua mbatamen man mbangeren kpaa, ve va ta sha a na, ve kôr un, ve va a mi hen mkohol,

Aerenakaa A Mbaapostoli 6:15

Tsô mba ve lu ken mkohol la cii ve haa ashe sha a na, ve nenge ishigh nagh yô, ki lu er ka ishigh ki ortyom u Sha nahan.

Aerenakaa A Mbaapostoli 7:37

Ka Mose shon je man a kaa a Mbaiserael er: Aôndo Una ver ne profeti ken anmgbianev enev er mo nahan ye.

Mbaromanu 12:10

Doo nen ayol a en tsung sha dooshima, hemen nen sha u nan ior icivir.

1 Mbakorinte 6:10

shin mbaiv shin mbahuav shin mbahundenmsôrom shin mbauityuhwanev shin mbanumungbenda kpaa, vea ya dyako u tartor u Aôndo je ga.

1 Mbakorinte 6:6

Angbian ka a gema a za yila anmgbian ijir man i lu hen mbanan jighjigh ga la jee?

Duteronomi 15:11

Gadia mayange mbaatsanev vea bee sha tar ga, ka nahan man m kaa Mer, bugh uwegh ough, wase anngôu man or u kwagh a gbe nan man icanor ken tar wou ye.

Duteronomi 16:18

Ver mbaajiriv man mbavesen ken agar a ou cii, a TER, Aôndo wou, Una na u, sha ikwe you yô; ve̱ ôron ior ijir sha mimi.

1 Mbatesalonika 4:6

Ma or môm nana̱ de kera tsughun anmgbian u nan sha kwagh ne, nana̱ eren nan kwagh u vihin ga, gadia Ter ka u oron iyev sha akaa ne cii er se vande kaan ne shi se pase ne nahan kpaa.

Titu 3:2

ve̱ de er kwagh u dang sha ma or ga, ve̱ de lu mbanôngonnum ga, ve̱ lu a ishima i legh legh ve̱ hide a ayol a ve ijime hen ior cii.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 5:9

Er A hingir vough yô, A hingir itine i myom u tsôron sha ci u mba ve ongo imo Na la cii.

Yakobu 2:20

We orlanenkwagh ne, sar u ka fan er jighjigh u nan u lun a aeren ga la a lu kpenegh kpa?

Yakobu 3:6

Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye.

1 Peteru 2:23

Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la.

1 Peteru 3:9

De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.

1 Yohane 2:9

U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 5:16

Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

Yuda 1:9

Kpa Mikael ortyom u Sha u tamen la, zum u a lu nôngon a diabolo, lu kpelan ikom i Mose la yô, a kera cihi a ôr un ijir i sha mtoho ga, kpa a kaa er: Ter A̱ tsaha u.

Mpase U Yohane 20:14

Ku man Hade yô, i kende ve ken berusu. Ka ku u sha uhar, ka berusu je la.