Mateu 5:19 - ICIGHAN BIBILO

¹⁹ Nahan yô, hanma or u nana sagh u môm ken atindiakaa a hemban ndahar ne man nana gema á tese ior nahan kpaa yô, á yila nan er or u hemban gban ijime cii sha tartor u Sha; kpa hanmô u nana eren sha mi, shi nana tesen nahan kpaa yô, á yila nan er or u vesen sha tartor u Sha.

Mateu 5:19 Iomraidhean Croise

Upasalmi 119:128

Ka nahan man me ver angahar a am jighilii sha uiniezwa Ou cii ye, shi m ker hanma gbenda u aiegh ihom.

Upasalmi 119:6

Nahan ma m ve ahenge ga, er m veren ishima sha atindi a Ou ne cii yô.

Daniel 12:3

Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Mateu 11:11

Mimi je, M kaan ne ne, mba kasev ve mar ve cii, or môm je mough u nan hembe Yohane u eren batisema icivir ga; nahan kpaa, or u ken tartor u Sha u nan hembe gban ijime la nan hemba un.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 20:26

kpa her a ven yô, i̱ de lu nahan ga; kpa hanmô u i sar nan ka lun u vesen ken a ven yô, nana̱ hingir wanakiriki wen.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Luka 1:15

Gadia una lu zegeor sha ishigh ki Ter; una tswer wain kua msôrom kpaa, una iv a Icighan Jijingi er una lu ngô na ken uya je.

Luka 11:42

Kpa kwagh á tser ne! Ne Mbafarishi, gadia ne mba tsough môm-ken-upue u kunguraku man rue man hanma ihuugh, kpa ne kera wa ijir man dooshima u Aôndo iko ga. Er i lu u ma ne eren akaa angan keng yô, shi ma ne de u eren angara kpaa ga.

Luka 9:48

A kaa a ve er: Anti or u nana rumun wanye ne ken iti Yam yô, ka Mo je nan rumun ye, man shi anti or u nan rumun Mo yô, nan ngu rumun Un u A tindim la kpaa. Gadia ka or u nan hembe ndahar ken a ven la, ka nan nan lu orvesen ye.

Aerenakaa A Mbaapostoli 1:1

Teofilu, takerada u hiihii la m nger, lu akaa a Yesu hii u eren man shi tesen la cii,

Mbaromanu 3:8

Ka nyi man se kera gbe eren akaabo sha u akaadoon a̱ due sha mi ga? Kape mbagenev ve lamen sha a vese dang, ve kaan er kape se kaan la. Ijir i i ne ve ibo la ka sha min je.

Mbaromanu 6:1

Nahan sé kaa nana? Sé gba lun ken isholibo gbem sha u mrumun u sha mhôôn a̱ hemba ngeene?

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Duteronomi 12:32

Hanma kwagh u m kaa ne cii, ka un ver nen ishima sha mi, eren nen ye; de seer nen ma kwaghgen sha mi ga, shi de panden kwagh ker kpaa ga.

Duteronomi 27:26

Ifan i̱ kôr or u nan kera we iko u eren sha akaaôron a atindi ne ga yô. Ior cii ve̱ rumun er: Amen.

1 Timoteu 6:11

Kpa we, or u Aôndo yô, yevese akaa ne, gema dondo perapera ityô kua u civir Aôndo man jighjigh u nan man dooshima man ishima i wan man ishima i legh legh kpaa.

Titu 3:8

Kwaghôron ne ka u jighjigh, sarem pe we ôron akaa ne sha gbashima sha u mba ve suur sha Aôndo yô, ve̱ ver ishima ve̱ tile sha aeren a dedoo her. Ka a je a doo ior shi a lu ve a inja kpaa ye.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.

1 Yohane 3:4

Hanma or u nan eren isholibo yô, nan ngu vendan tindi kpaa, gadia isholibo ka atindi a vendan.

Mpase U Yohane 2:20

Kpa kwagh u a shim a we yô, ka er u gbe den Yesebel kwase u a yer iyol na er profeti la, ngu tesen man ngu tsughun mbatomov Av er ve̱ er idya shi ve̱ ya inyamakombo kpaa.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.