Mateu 5:18 - ICIGHAN BIBILO

¹⁸ Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Mateu 5:18 Iomraidhean Croise

Upasalmi 102:26

Ve vea saa ishe, kpa We yô, Ú tsôr sha won, ve cii vea bee iyol er riga ka a bee nahan, man U musan ve er ka ikondo nahan, vea kar kera.

Upasalmi 111:8

ve taver gbem, mayange á kera bee ga, i er ve sha mimi man perapera kpaa.

Upasalmi 119:152

M fa ngise je sha kwagh u mbampase Ou, er U ver ve sha er ve̱ lu gbem yô.

Yesaia 40:8

Toho ka u uma, imondon a use, kpa kwaghôron u TER wase yô, una lu her gbem sha won.

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yesaia 51:6

Kende nen ashe a en sha Usha, nenge nen shin tar, gadia Usha vea kar kera er mnyim nahan, tar kpaa ua bee iyol er ikondo yô, mba ve tem shin u kpaa, vea kpe er amunan nahan; kpa myom Wam una lu gbem sha won man á kar a perapera Wam kera kpaa ga.

Mateu 10:15

Mimi je, M kaan ne ne, sha iyange i ijirigh yô, guda Sodom man Gomora a gar la.

Mateu 10:23

Man er vea tôv ne a ican ken gar ngun yô, yevese, yem nen ken ugen; gadia mimi je M ngu kaan ne, er ne lu a zende sha agar a Iserael cii ga je tsô, Wan u or Una va.

Mateu 10:42

Man hanma or u nana na u môm ken mbakiriki mban iyongo i mngerem ma ndôhôr tseegh, sha ci u i lu orhenen yô, mimi je M kaa ne, injar i nan ia bunde nan je ga.

Mateu 11:11

Mimi je, M kaan ne ne, mba kasev ve mar ve cii, or môm je mough u nan hembe Yohane u eren batisema icivir ga; nahan kpaa, or u ken tartor u Sha u nan hembe gban ijime la nan hemba un.

Mateu 13:17

Gadia mimi je M kaan ne ne, lu sar uprofeti man mbaperapera kpishi u ma ve nenge akaa a ne nenge ne, kpa ve nenge a mi ga, shi u ma ve ongo akaa a ne ongo ne, kpa ve ungwa a ga.

Mateu 16:28

Mimi je M kaan ne ne, mba ve til heen ne, mbagenev ker ka mba vea bende a ku je ga, saa vea vande nengen a Wan u or Una lu van ken tartor Na ve.

Mateu 17:20

Yesu kaa a ve er: Ka sha ci u myina u jighjigh wen u nan; gadia ka mimi je M kaan ne ne, aluer nea lu a jighjigh u nan sha inja i ishange i masetadi yô, ma ne kaa a uwo ne ner: Mough heen, hire keela, kpa ma u mough; man ma kwagh u ne fatyô u eren un ga yô, una kera lu ga.

Mateu 18:18

Mimi je M kaan ne ne, hanma kwagh u ne kange shin tar ne, una lu uikangen Sha kpaa; man shi hanma kwagh u ne sagh shin tar ne yô, á sagh un Sha kpaa.

Mateu 18:3

A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Mateu 19:23

Tsô Yesu kaa a mbahenen Nav er: Mimi je M kaan ne ne, ka ican u ornyar a̱ nyôr sha tartor u Sha.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 21:21

Yesu gema kaa a ve er: Mimi je M kaan ne, aluer ne lu a jighjigh u nan man né ta akpelan ga yô, ka kwagh u a er tur ne nahan tseegh né er ga, kpa á lu uwo ne je kpaa, né kaa u ner: Mough, gba shin zegemnger kpaa á lu nahan je.

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 23:36

Mimi je M kaan ne ne, akaa ne cii aa er kov ne.

Mateu 24:2

Kpa Yesu kaa a ve er: Ne nenge akaa ne cii kpa? Mimi je M kaan ne ne, iwen i môm tsô kpaa i á de i i̱ lu sha igen ngi ga, á yôhôl a ca ca.

Mateu 24:47

Mimi je M ngu kaan ne, una wa akaa a na cii sha ikev na.

Mateu 25:12

Kpa a gema a kaa er: Mimi je, m kaan ne ne, m fa ne ga.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Mateu 25:45

Tsô Una gema Una kaa a ve er: Mimi je M kaan ne ne, er ne er nahan a mô u ken mba hemban gban ijime mban ga yô, ka Mo je ne er a Mo nahan ye.

Mateu 5:26

Mimi je M kaan we, mayange ú due ker ga, saa ú kimbi, anini môm tsô kpaa una kera shi ga.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:2

Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mateu 8:10

Tsô Yesu ongo nahan yô, kpiligh Un iyol, A kaa a mba ve lu van Un ijime la er: Ka mimi je M kaan ne ye, ken Mbaiserael je kpaa mayange M ngu a zua a jighjigh u nan u vesen nahan ga.

Marku 10:15

Mimi je, M kaan ne ne, hanma or u nana rumun tartor u Aôndo er wanye u kiriki nahan ga yô, mayange je nana nyôr ker ga.

Marku 10:29

Yesu gema kaa er: Mimi je, M kaan ne ne, or ngu u nana undu ya, shin anmgbianev mba nomso, shin anmgbianev mba kasev, shin ngô, shin ter, shin ônov, shin ishule sha ci Wam man Loho u Dedoo ne,

Marku 11:23

Gadia mimi je, M kaan ne ne, hanma or u nana kaa a uwo ne er: Mough, za gba shin zegemnger man nana ta akpelan ken ishima ga, kpa nana na jighjigh er kwagh u nan kaa la una er yô, á er nan un.

Marku 12:43

Nahan A yila mbahenen Nav her a Na, A kaa a ve er: Ka mimi je, M kaan ne ne, kwagh u kwasecôghol u a lu icankwase ne a hee ker ne a hembe kwagh u mbagenev ve lu haan ken akwati u inyar la cii.

Marku 13:30

Mimi je M kaan ne ne, kov ne ua lu a kar kera ga, saa akaa ne cii aa er ve.

Marku 14:18

Tsô mba tem, mba ngur yan kwagh yô, Yesu kaa er: Mimi je, M kaan ne ne, u môm ken ven una nenge mker sha a Mo, ka u nan lu yan kwagh a Mo je.

Marku 14:25

Mimi je M kaan ne ne, mayange me kera ma zar u atam a kon u wain ne ga, zan zan iyange i Me ma u hegh sha tartor u Aôndo.

Marku 14:30

Yesu kaa a na er: Mimi je M kaan we ne, nyian hen tugh mbun, er ikegh ia lu a tôngo kwa har ga je tsô, ú nyiman kwa tar wer, u fam ga.

Marku 14:9

Mimi je M kaan ne ne, hanma ijiir i á ôr Loho u Dedoo ne sha won cii yô, kwagh u a er ne kpaa, á ter sha ci umbur un.

Marku 3:28

Mimi je M kaan ne ne, á de ônov mba iorov asorabo a ve cii man hanma ityuhwanev mbi ve toho kpaa;

Marku 6:11

Hanma ijiir i i rumun ne her ga, shin i ver ato sha kwagh wen kpaa ga yô, mough nen heregh kera, kure nen ihundu i shin angahar a en, i̱ hingir ve mpase.

Marku 8:12

Tsô A shil ishima ken vanger taveraa, A kaa er: Ka nyi man kov ne u keren ivande nahana? Mimi je M kaan ne ne: Á na kov ne ivande je ga.

Marku 9:1

A kaa a ve er: Mimi je, M kaan ne ne, mba ve til heen ne, mbagenev ker ka mba vea kpe mayange ga, saa vea vande nengen tartor u Aôndo ua va sha agee ve.

Marku 9:41

Gadia hanmô u nana na ne iyongomnger ken iti Yam er, ne̱ ma, sha ci u ne lu ior i Kristu yô, mimi je M kaan ne ne, mayange injar i nan ia saa nan je ga.

Luka 11:51

hii sha awambe a Abel zan zan ar hen awambe a Sekaria, u i wua un hen atô u atse a Icighanjiir, een, M kaa ne, á ker a hen kov ne.

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 13:35

Nenge ase, i undu ya wou, hingir ice. Mimin je M kaan ne ne, né nenge a Mo ga, saa sha shighe u né va kaa ner: I̱ wuese Un u a ve ken iti i Ter la.

Luka 16:17

Gadia Sha man tar vea kar kera, á lu ican ga, kpa á hemba lun ican u anikav môm ken atindi á saa.

Luka 18:17

Mimi je M kaan ne ne, hanma or u nana rumun tartor u Aôndo er wanye u kiriki nahan ga yô, nana nyôr ker mayange ga.

Luka 18:29

A kaa a ve er: Mimi je, M ngu kaan ne, or ngu u nana undu ya, shin kwase, shin anmgbianev mba nomso shin mbamaren shin ônov sha ci u tartor u Aôndo,

Luka 23:43

A kaa a na er: Mimi je M kaan we ne, nyian je ú lu a Mo imôngo ken Paradiso.

Luka 4:24

Tsô A kaa er: Mimi je, M kaan ne ne, mba wuese ma profeti ken gar na ga.

YOHANE 1:51

Shi A kaa a na er: Mimi mimi je, M kaan ne ne, né va nenge á bugh Sha man mbatyomov mba Aôndo vea kôndon vea senen sha Wan u or.

YOHANE 10:1

Mimi mimi je, M kaan ne ne, or u nan nyer hen hunda u ityôr i iyôngo ga, kpa nan nyer i jiir igen yô, nan ngu ormbaiv man ornumungbenda kpaa.

YOHANE 10:7

Nahan Yesu shi kaa er: Mimi mimi je, M kaan ne ne, Mo M ngu hunda u iyôngo.

YOHANE 12:24

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

YOHANE 13:16

Mimi mimi je, M kaan ne ne, wanakiriki hembe ter na icivir ga, ortyom kpaa hembe un u a tindi un la icivir ga.

YOHANE 13:38

Yesu gema kaa er: Ú na uma wou sha ci Wama? Mimi mimi je M kaan we ne, nomikegh una lu a tôngo ga je tsô ú nyiman kwa tar je wer, u fam ga.

YOHANE 14:12

Mimi mimi je, M kaan ne ne, u nan nem jighjigh yô, ityom i M eren ne, nan kpaa nana er i; i i hembe ingin je kpaa nana er, sha ci u M lu yemen hen Ter yô.

YOHANE 16:20

Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

YOHANE 16:23

Man sha iyange la né kera pinem ma kwagh ga. Mimi mimi je, M kaan ne ne, nyityô, kwagh i ne sôn Ter yô, Una na ne i ken iti Yam.

YOHANE 21:18

Mimi mimi je, M kaan we ne, zum u u lu iyev la, u zeren kwange iyol you, u zenden sha ishima you; kpa zum u ú va bee iyol yô, ú naregh ave, orgen nana zer u, nana za a we hen ape i doo u ga yô.

YOHANE 3:11

Mimi mimi je, M kaan we ne, se mba er kwagh u se fe, man shi se mba pasen kwagh u se nenge yô, kpa ne mba rumun mpase wase la ga.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 6:26

Yesu gema kaa a ve er: Mimi mimi je, M kaan ne ne, ne mba keren Mo, ka sha ci u ne nenge uivande ga, kpa ka sha ci u mye u ne ye ubredi mbala, ve kom ne yô.

YOHANE 6:32

Tsô Yesu kaa a ve er: Mimi, mimi je, M kaan ne ne, ka Mose man lu na ve kwaghyan u a dugh Sha la ga; kpa ka Terem A lu nan ne kwaghyan u mimi u a dugh Sha la ye.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:53

Yesu kaa a ve er: Mimi mimi je M kaan ne ne, aluer né yaan iyol i Wan u or, man shi né maan awambe a Na kpaa ga yô, né lu a uma ken ayol a en ga.

YOHANE 8:34

Yesu gema kaa a ve er: Mimi mimi je, M kaan ne ne, hanma or u nan eren isholibo yô, nan ngu kpan u isholibo je.

YOHANE 8:51

Mimi mimi je, M kaan ne ne, aluer or nana wa kwaghôron Wam iko yô, mayange nana nenge a ku ashe ga.

YOHANE 8:58

Yesu kaa a ve er: Mimi mimi je, M kaan ne ne, er i lu a mar Aberaham ga je, tsô Mo M lu.

1 Peteru 1:25

kpa kwaghôron u Ter yô, ngu tsôron gbem zan zan. Man ngun ka kwaghôron u Loho u Dedoo u i ôr ne u je ne.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.