Mateu 5:16 - ICIGHAN BIBILO

¹⁶ Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Mateu 5:16 Iomraidhean Croise

Ekesodu 34:35

Mbaiserael vea nengen ishigh ki Mose, er kwavshi u Mose u lu engem yô, Mose a shi a cir ikondo sha ishi zan zan saa shi una nyôron u ôron kwagh a Na.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 58:8

Nahan iwanger you ia due er ka sev mbu aven nahan, man mkpeyol wou una va fefa, perapera wou kpaa una za u sha ishi, iengem i TER kpaa ia yisa u ken ijime.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 23:9

Man shi de yer nen ma or shin tar ne ner ter wen ga, gadia Ter wen ngu môm tsô, ka u A lu Sha la.

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:9

Yô, eren nen msen nahan, ner: Ter wase u Sha, i̱ tsegha iti You,

Mateu 9:8

Er ikpelaior nenge nahan yô, cier i iyol, i gba civir Aôndo u A ne ior imbautaha ne nahan yô.

Luka 11:2

A kaa a ve er: Zum u nea eren msen yô, kaa nen ner: Tere, i̱ tsegha iti You; tartor Wou u̱ va.

YOHANE 15:8

Ka kwagh ne a ne Terem icivir ye, ka u ne ume atam kpishi la, man ne hingir mbahenen Av ye.

Aerenakaa A Mbaapostoli 9:36

Orhenen ugen u kwase lu ken Yopa, iti na er Tabita, inja na yô, er Dorka. Kwase la lu a aeren a dedoo kpishi, man iwua i nan kpaa.

1 Mbakorinte 14:25

akaa a myer a ken ishima i nan aa hingir ken igbar, nana kuma ishigh inya nana wuese Aôndo, nana pase er, mimi je Aôndo ngu ken a ven.

2 Mbakorinte 9:13

Sha ikav i tesen i tom ne yô, mba civir Aôndo sha ci u ne we iko ne rumun Loho u Dedoo u Kristu man sha ci u ne kar kwar a ve gengee gengee man a mbagenev cii kpaa.

Mbagalatia 1:24

Tsô ve civir Aôndo sha ci wam.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

1 Timoteu 2:10

kpa i̱ lu sha aeren a dedoo er i kom u kasev mba ve kaa er ve mba cian Aôndo mimi vea er yô.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

1 Timoteu 5:25

Kape aeren a dedoo kpaa ka a lu ken igbar je la, a a lu nahan ga la kpaa, u yeren a yô, á fatyô ga.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Titu 2:7

Lu ve ikav i tesen sha aeren a dedoo man sha ityesen i mimi man mlu u sha inja sha inja

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Titu 3:4

Kpa zum u mhôônom ma kôron man dooshima u Aôndo Oryiman wase va ande yô,

Mbaheberu 10:24

Sé wa nen ayol a ase iko, sé taver nen ayol a ase asema u lun a dooshima man aeren a dedoo.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Peteru 3:1

Nahan yô, ne kasev di kpaa ungwan nen imo i noov enev sha er aluer mbagenev ken ve, vea lu mbawan kwaghôron u Aôndo iko ga je kpa, á urugh ve sha mlu u kasev vev la, á kera lu sha kwaghôron kpee ga,

1 Peteru 3:16

Shi lu nen a imo i wang ken ishima sha er kwagh u i lu lamen sha a ven dang dang la je kpaa, ve̱ va ahenge yô, ka ve mba ve lu teren mlu wen u dedoo u ken Kristu sha dang la.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

1 Peteru 4:14

Aluer a hee ne sha ci u iti i Kristu yô, á kpe ne iyol je sha ci u Jijingi u iengem man u Aôndo A tem sha a ven yô.