Mateu 5:12 - ICIGHAN BIBILO

¹² ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Mateu 5:12 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

1 Utor 18:13

Shin i kaa terem kwagh u m er zum u Yesebel wua uprofeti mba TER la, m yer uprofeti mba TER ior deri ken bar, akunduahargber, akunduahargber, m koson ve sha kwaghyan kua mngerem ga ase?

1 Utor 18:4

gadia zum u Yesebel lu timin uprofeti mba TER la yô, un Obadia tôô uprofeti deri, yer ve akunduahargber, akunduahargber, ken bar, a koson ve sha kwaghyan kua mngerem.

1 Utor 19:2

Nahan Yesebel tindi ortyom hen Eliya er a̱ za kaa un er: Mbaaôndo ve̱ er a mo nahan shi i̱ hemba nahan kpaa, aluer kper hen shighe ne nahan mea gema uma wou una hingir er uma u mô ve ga yô.

1 Utor 21:20

Tsô Ahaba kaa a Eliya er: U zua a mo ve orihom wama? A rumun er: M zua a we; gadia u tee iyol you sha u eren ifer sha ishigh ki TER.

1 Utor 22:8

Tor u Iserael kaa a Yehoshafati er: Or shi môm u sé pine nan imo i TER, ka Mikaia wan u Imla; kpa m kôr un ihom, gadia er ma kwaghôron u profeti u dedoo sha a mo ga, saa kwaghbo tseegh. Kpa Yehoshafati kaa er: Tor a̱ de kaan nahan ga.

2 Utor 1:9

Nahan a tindi orhementyav u a lu a ior akunduahargber sha ikev yô, a ior nav mba akunduahargber mbala cii. Tsô a kôndo sha a na; yô, un tema sha ityough ki igungu. A kaa a na er: Or u Aôndo, tor kaa er: U̱ hungwa!

2 Kroniku 16:10

Tsô ishima nyoon Asa a ornengenakaa la, a wa un ken gaadi, gadia ishima vihi un a na kpishi sha ci u kwagh ne. Man shi Asa er ior mbagenev ican hen shighe la kpaa.

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Upasalmi 19:11

Man shi ka sha a je i we wanakiriki Wou kwagh ye; u wan a iko yô, ka zegeinjar.

Upasalmi 58:11

Tsô ior vea kaa er: Mimi je, injar i orperapera ngi, mimi je, Aôndo u ôron tar ijir ngu. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi, zum u Saulu tindi er i̱ za kura iyou sha ci u wuan un la

Anzaakaa 11:18

Orifer ka nan ngohol injar i kpeegh, kpa u nan lee perapera yô, injar i nan ka i mimi je.

Yesaia 3:10

Ter nen orperapera, kaa nen ner, á kpe nan iyol, gadia nana ya atam a aeren a nan.

Yeremia 2:30

Ka gbilin tsô man M gbidi ônov enev ye; ve rumun mkôôm ga; sanker wen wua uprofeti enev, er begha ka a ande kwagh nahan.

Yeremia 26:8

Zum u Yeremia kure akaa cii a TER kaa un er a̱ ôr ior cii la yô, upristi man uprofeti kua ior cii ve kôr un, ve kaa er: Kpen you keng.

Yeremia 37:14

Nahan Yeremia nyiman er: Ka mimi ga; m ngu yemen hen Mbakaldi ga; kpa a wa un iko her ga; nahan Iriya kôr Yeremia za a na hen atiator.

Mateu 16:27

Gadia Wan u or Una na hanma or sha aeren a nan.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Luka 13:34

Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Luka 6:23

Ember nen sha iyange la, tsuwe nen sha iember kpaa, gadia nenge, injar yen vese Sha; gadia kape uter vev er a uprofeti je la.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Aerenakaa A Mbaapostoli 16:25

Kpa ka kom atôutu nahan yô, Paulu man Shila gba eren msen, wan atsam a civir Aôndo; mbakwarev kpaa lu ungwan ve.

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

Mbaromanu 5:3

Man ka nahan tseegh ga, shi se mba wuese ken atsan ase a yan kpaa, gadia se fa ican i yan i ne ishimataver,

1 Mbakorinte 3:8

Un u a môôr la vea un u a ur mngerem la ka kwagh môm tsô, kpa hanmô ve nana zua a injar i nan iyol i nan sha inja i tom u nan.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Mbafilipi 1:29

Ne yô, i rumun ne sha mhôôn er sha kwagh u Kristu yô, ka jighjigh tseegh né na Un ga, kpa né ya ican sha ci Na kpaa,

Mbafilipi 2:17

Kpa aluer a va urum kera er nagh ku urun nahan sha nagh ku i ne kua icighantom u i er u sha jighjigh wen u nan la kpaa, m ember man m ngu ember a ven imôngo cii.

Mbakolose 1:24

Hegen yô, m ngu ken atsan a m lu yan sha ci wen man m ngu ivin kwagh u a shi sha atsan a Kristu la ken iyol yam, ka sha ci u iyol Na, ka nongo Na je la.

Mbakolose 3:24

gadia ne fa ka hen Ter man né va zua a injar i sha dyako ye. Ka Ter Kristu ne eren Un tom ye.

1 Mbatesalonika 2:15

mba ve wua Ter Yesu kua uprofeti la ye, se kpaa ve tôv se a ican, kwagh ve doo Aôndo ga man shi mba ihom a ior cii kpaa.

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Mbaheberu 11:26

A nenge iheen i Kristu hemba lun un a inja a akaa a injaagh a Igipiti cii, gadia a ver ashe sha injar.

Mbaheberu 11:33

Mban yô, ve hemba ityartor ityav sha jighjigh u nan, ve er perapera, ve ngohol uityendezwa, ve cir ubegha ijô,

Mbaheberu 11:6

Á fatyô u doon Aôndo ishima ga, saa sha jighjigh u nan. Gadia or u nan kporom hen Aôndo yô, ka u nana na jighjigh keng er ngu, man shi Un ne mba ve lu keren Un la injar.

Yakobu 1:2

Anmgbianev av, i̱ lu ne kwagh u iember tseegh shighe u ameen atô kposo kposo aa va tser ne yô,

Yakobu 5:10

Uprofeti mba ve lu ôron kwagh ken iti i Ter yô, ve̱ lu ne ikav sha ican i yan man ishima i wan kpaa.

1 Peteru 4:13

Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

Rutu 2:12

Yô, TER A̱ er a we dedoo sha aeren a ou la, ma u zough a injar i kuman gbing gbing hen TER Aôndo u Iserael u u ve u va ker ijiir i memen shin akper a Na yô.