Mateu 4:5 - ICIGHAN BIBILO

⁵ Tsô diabolo yem a Na hen icighangar, za ver Un sha ityough ki tempel je,

Mateu 4:5 Iomraidhean Croise

2 Kroniku 3:4

Puadwer u sha ishigh ki iyoughough la, iniembe na lu aseva ikundu sha igbanger i iyou la, ityaven na lu deri man ikundu; a cir un zenaria u wang kimi.

Nehemia 11:1

Atiator a ior tema ken Yerusalem; ior mbagenev yô, ve er ishor sha u tsuwan or môm ken mbapuev er nana̱ va tema ken Yerusalem, icighangar la, mba utaankarunyiin yô, ve̱ tema ken agar agen.

Nehemia 11:18

Mbalevi mba ken icighangar cii yô, lu ior deri uhar man akunduanyiin kar unyiin.

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 52:1

Nder, nder, we Shion, wa agee a ou iyol, haa akondo a ou a dedoo, we Yerusalem, icighangar; gadia ken hemen yô, oripusu man orhôngorough vea kera nyôr ken a we ga.

Daniel 9:16

Yô, Tere, sha aeren a Ou a perapera cii, shi goom a ishima i vihin You man iyugh You sha gar Wou Yerusalem kera, ka icighanwo Wou je la; gadia sha ci u asorabo ase, man aferakaa a uter asev, Yerusalem man ior Ou gema hingir kwagh u lahan hen mba ve kase se cii.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Mateu 27:53

ve due shin iwar zum u A nder shin mbakpenev kera la, ve nyôr ken icighangar, ve za ande hen ior kpishi.

Luka 4:9

Tsô a yem a Na ken Yerusalem a za ver Un sha ityough ki tempel, a kaa a Na er: Aluer Wea lu Wan u Aôndo je yô, henpe U til ne, gba ase iyol You shin inya,

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

Mpase U Yohane 11:2

Kpa tembe u ken kungur u tempel la yô, gba den u tsô, u̱ lu ken won, de karen u ga, gadia i na u sha ikev i akuraior, aa ndyar icighangar shin angahar á kuma iwer akunduahar kar ihiar.