Mateu 4:3 - ICIGHAN BIBILO

³ Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Mateu 4:3 Iomraidhean Croise

Ekesodu 16:3

Mbaiserael kaa a ve er: Guda u ma se kpe sha uwegh ku TER ken tar u Igipiti zum u se teman a ityev mbi inyamev ikum se yaan bredi kuman se la; gadia ne va a vese ken desereti ne ner, né va wua nongoior ne cii sha ijen.

Mateu 14:33

Mba ve lu ken tso la, ve gure ve civir Un, ve kaa er: Mimi je U ngu Wan u Aôndo.

Mateu 16:16

Shimon Peteru gema kaa er: We U ngu Kristu Wan u Aôndo u uma.

Mateu 26:63

Kpa Yesu huan ving. Zegepristi la kaa a Na er: M zua U vea Aôndo u uma mer: Ôr se dedoo, U ngu Kristu Wan u Aôndo shinii?

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Marku 1:1

Mhii u Loho u Dedoo u Yesu Kristu wan u Aôndo,

Marku 3:11

Ujijingi mba hôngorough kpaa, hanma shighe u vea nenge a Na yô, ve gba Un sha ishi, ve genger imo ve kaan er: We, U ngu Wan u Aôndo.

Marku 5:7

genger imo taver taver, kaa er: Ka nyi i zoughom a We, Yesu Wan u Aôndo Uhembansha? M zua U vea Aôndo, de eren mo ican ga.

Luka 1:35

Ortyom la gema kaa a na er: Icighan Jijingi Una sen sha a we, man agee a Uhembansha la kpaa aa kase u; ka sha ci u nahan man Un u á mar Un la á yilan Un er Icighanwan u Aôndo ye.

Luka 22:70

Ve cii ve kaa er: Nahan U ngu Wan u Aôndo? A kaa a ve er: Ne mba kaan je, M ngu Un.

Luka 4:3

Tsô diabolo kaa a Na er: Aluer Wea lu Wan u Aôndo je yô, kaa iwen ne i̱ hingir bredi.

Luka 4:41

Ujijingi mba bov kpaa due ken ior kpishi, ve lu genger imo, kaan er: U ngu Wan u Aôndo je! A yange ve, A rumun ve u ve̱ ôr kwagh ga, gadia ve fa er A lu Kristu je yô.

Luka 4:9

Tsô a yem a Na ken Yerusalem a za ver Un sha ityough ki tempel, a kaa a Na er: Aluer Wea lu Wan u Aôndo je yô, henpe U til ne, gba ase iyol You shin inya,

YOHANE 1:34

Yô, m nenge, m shi m ngu pasen je mer: Ngun ka Wan u Aôndo je ne.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 9:35

Yesu ungwa er ve dugh un kera yô; tsô va zough a na yô, A kaa a na er: U na Wan u or jighjigh kpa?

Aerenakaa A Mbaapostoli 9:20

A tsa a mbahenen mba ve lu ken Damaseku la anyangem kpeghee, maa a gba pasen ken ushinagoge er Yesu ka Wan u Aôndo je.

2 Mbakorinte 1:19

Gadia Yesu Kristu Wan u Aôndo u se ôr ne kwagh Na la lu mo man Siluanu man Timoteu, lu “een” vea “ei” imôngo ga, kpa ken a Na yô, lu “een” vough.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

1 Mbatesalonika 3:5

Ka nahan man mo kpaa er m kan wan ishima shio yô, m tindi sha u me fa jighjigh wen u nan shin alaghga ormeen vande meen ne kera man tom wase u hingir gbilin tsôou?

Mbaheberu 12:16

Ma or nana̱ de luun or u idya shin dangor er Isou u a tee tamen na sha ankwaghyan ityô i môm tseegh nahan la ga.

Mbaheberu 4:14

Er se lu a Zegepristi u tamen u A nyôr Usha A haa ve ijime cii, ka Yesu Wan u Aôndo je la, nahan yô, se kôr nen ave gbang gbang sha mpase u jighjigh wase u nan la je.

Mbaheberu 7:3

Lu a ter ga, lu a ngô kpaa ga, lu a tsombor kpaa ga, lu a mhii u ayange ga shin mkur u uma kpaa ga, kpa a bee a bee Wan u Aôndo, ngu pristi gbem sha won.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.