Mateu 4:24 - ICIGHAN BIBILO

²⁴ Gwa Na samber ken tar u Shiria cii, tsô ve va Un a mba ve lu dedoo ga la cii, lu mba angev atô kposo kposo man mnyoonom kôr ve yô, mbalun a ujijingi mba bov man mbagbanikungu man mbakpenalegh; A bee ve mbu cii.

Mateu 4:24 Iomraidhean Croise

2 Samuel 8:6

Tsô Davidi maa ver mbautyav mba kuran ken Shiria u Damaseku; Mbashiria hingir sha ikev i Davidi, ve taan un kpandegh. TER na Davidi mhembe hanma ijiir i una za cii.

1 Utor 10:1

Zum u torkwase u Sekeba ungwa gwa u Solomon sha kwagh u iti i TER yô, a va u va karen un sha mbampin mba cimin.

1 Utor 4:31

Gadia a hemba ior mbagenev kwaghfan cii, a hemba Etan Oresera man Heman kua Kalkol man Darda, ônov mba Mahol; lu a icivir ken akuraior a a kase un la cii.

1 Kroniku 14:17

Gwa u Davidi samber sha ityar ityar cii; TER er akuraior cii, a cian un.

1 Kroniku 29:2

Ka sha agee am cii je, m kohol akaa sha ci u iyou i Aôndo wam ye; zenaria sha ci u akaa a sha zenaria, man azurfa sha ci u akaa a sha azurfa, man togula sha ci u akaa a sha togula, man iyôv mbi iliv sha ci u akaa a sha iyôv mbi iliv, man ikon sha ci u akaa a sha ikon, man awen a oniki, man awen a wan sha akaa, man awen a hweegh man a lun ashe anza kposo kposo, man awen a injaa anza kposo kposo, kua awen a mabel kpishi kpaa.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Mateu 12:22

Tsô i va Un a orgen u nan lu a jijingi u bo, nan pir ashe, nan kondo iker kpaa. A bee nan angev mbula; tsô orkondoniker la ôr kwagh, shi gba nengen kera kpaa.

Mateu 14:1

Hen shighe la Herode u tetera ungwa gwa u Yesu.

Mateu 15:22

Tsô kwase ugen u ken Kanaan u a lu ken iningirtar la, a genger imo, a kaa er: Zungwem mhôônom Tere, We Wan u Davidi, jijingi u bo ngu eren wan wam u kwase ican tsung.

Mateu 17:15

Tere, zungwe wan wam mhôônom, gadia gbe ikungu, ngu dedoo ga tsung je, sha ci u ka a gba shin usu acin imôngo je kua shin mnger kpaa.

Mateu 17:18

Tsô Yesu yange un, maa jijingi u bo la due ken a na kera; hen shighe la je wanakiriki la hingir dedoo.

Mateu 4:23

Tsô Yesu zende ken tar u Galilia cii, lu tesen ken ushinagoge vev, lu ôron Loho u Dedoo u tartor, lu been ior hanma injauange man shi hanma mtseenem kpaa.

Mateu 8:28

Tsô mba peren yande la ken tar u Mbagadara yô, ior uhar mba lun a ujijingi mba bov due ken iwar va kohol Un, lu mbavihinkwagh je cier iyol, or kera cihin karen hen gbenda la ga.

Mateu 8:33

Mbakuran i yevese, nyôr ken gar, za ôr akaa la cii, kua kwagh u a er mba ve lu a ujijingi mba bov mbala kpaa.

Mateu 8:6

kaa er: Tere, wanakiriki wam ngu yaven inya ken ya a angev mbu kpen alegh, ka nyoon un tsung.

Mateu 9:26

Gwa u kwagh la gema samber ken tar la cii.

Mateu 9:35

Tsô Yesu zende ken agar a vesen kua ken angarev mba kiriki la cii, lu tesen ken ushinagoge vev, lu ôron Loho u Dedoo u tartor, lu been hanma inja i uange man i mkpeyolga kpaa.

Marku 1:28

Nahan gwa Na gema samber ken iningirtar i Galilia cii, fese je.

Marku 1:32

Ka kom aikighe, iyange i mir yô, ve va Un a mbauangev cii kua mbalun a ujijingi mba bov kpaa.

Marku 2:3

Tsô ve va a or u kpen alegh her a Na, ior unyiin tôô un.

Marku 2:4

Mba fetyô u aren hen Na ga sha ci u ikpelaior yô, ve bugh ian sha uha henpe A lu la; mba bughun kera yô, ve sen a gambe u or u kpen alegh yav sha mi la.

Marku 2:9

Ka nyi i hembe lun uwer ga, u ma i kaa a or u kpen alegh ne er: I de u asorabo a ou; shin u ma i kaa er: Mough, tôô gambe wou, zende ase?

Luka 2:2

Ngun ka mnger u hiihii u sha shighe u Shiriniu lu gomna u Shiria la.

Luka 4:14

Nahan Yesu hire hen Galilia ken agee a Jijingi, man gwa Na samber ken iningirtar la cii.

Luka 4:38

Tsô A mough ken shinagoge a za nyôr ken ya u Shimon. Yô, angev mbu iyolhian kôr ngôkem u Shimon kpishi; nahan ve zamber a Na sha ci na.

Luka 5:15

Kpa gwa Na hemba seer samber a samber; ikpelaior kpishi kohol sha u ungwan Un man shi u A̱ war ve sha uange.

Luka 5:24

Kpa sha u né fa er Wan u or A lu a tahav shin tar ne u den or asorabo yô, nahan A kaa a or u kpen alegh la er: M ngu kaan a we: Mough sha, tôô gambe wou, yem ken ya wou.

Luka 7:17

Gwa u kwagh Na la samber ken Yudia cii man ken iningirtar la cii kpaa.

YOHANE 10:21

Mbagenev di ve kaa er: Akaaôron ne ka a or u lun a jijingi u bo ga; jijingi u bo una fatyô u bughun orapirashe ashe kpa?

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 15:23

Tsô ve nger washika, ve na sha ikev ve, er: Mbaapostoli man anmgbianev mba ve lu mbatamen mba sughun anmgbianev mba ken atôatyev, ken Antioki man Shira man Shilishia la.

Aerenakaa A Mbaapostoli 15:41

A kar hen Shiria man Shilishia, lu nyôôso iniongo i Kristu asema.

Aerenakaa A Mbaapostoli 28:9

Ikaa ngi eren nahan yô, mbagenev mba ve lu a angev hen icile la kpaa, ve va, i va bee ve;

Aerenakaa A Mbaapostoli 8:7

Gadia ujijingi mba hôngorouv kpishi due hen ior mba ve lu a mi la, ve lu genger imo taver taver; i war mbasombon man mbakeer kpaa kpishi je.

Yosua 6:27

Kape TER lu a Yosua la; gwa na samber ken tar la cii.