Mateu 4:21 - ICIGHAN BIBILO

²¹ Karen heera yemen ken hemen yô, A shi A nenge a ior mbagenev uhar, lu anngôôv, ka Yakobu wan u Sebedeu man anngô na Yohane, ve lu ken tsô a ter ve Sebedeu imôngo, ve lu cingen ukper vev. A yila ve.

Mateu 4:21 Iomraidhean Croise

Mateu 10:2

Ati a mbaapostoli mba pue kar uhar mbala yô, ka a ne: u hiihii lu Shimon u i yilan er Peteru la, man anngô na Yohane;

Mateu 17:1

Tsô ayange nga kar ataratar yô, Yesu kua a Peteru man Yakobu man anngô na Yohane, za unde sha gôgôwo, ve tseegh;

Mateu 26:37

Tsô A kua a Peteru man ônov mba Sebedeu mba uhar mbala a Na imôngo, ishima hii u vihin Un, hingir Un ken ishima dang.

Mateu 4:20

Nahan ve undu ukper vev fese, ve dondo sha a Na.

Mateu 4:22

Nahan ve undu tso kua ter ve fese, ve dondo sha a Na.

Marku 3:17

man Yakobu wan u Sebedeu kua Yohane anngô u Yakobu, A seer ve iti er Boanerge, inja na yô er, ka uidyuranmbauôn.

Marku 5:37

A rumun u ma orgen nana̱ za a Na imôngo ga, saa Peteru man Yakobu kua Yohane anngô u Yakobu.

YOHANE 21:2

Ve cii ve lu her imôngo, lu Shimon Peteru man Toma, u i yilan un er Didimu la, man Natanael u a due ken Kana u Galilia la, man ônov mba Sebedeu, man shi mbahenen Nav uhar mbagenev kpaa.

Aerenakaa A Mbaapostoli 12:2

A wua Yakobu, anngô u Yohane, sha sanker.