Mateu 4:16 - ICIGHAN BIBILO

¹⁶ Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Mateu 4:16 Iomraidhean Croise

Yobu 10:22

tar u imegh mgbigh mgbigh, er angôghime nahan; tar u mure u kuugh, u lun nzughul nzughul; iwanger i u ngi er angôghime nahan.

Yobu 3:5

Ime man mure u kuugh ve̱ kôr i i̱ hingir kwagh ve je; abeen a̱ cir i; hanma kwagh u a ne iyange i we ime yô, a̱ ta i mciem iyol.

Yobu 34:22

Man ime ngi ga, mure u kuugh kpaa ga, hen ape mbaerenifer vea fatyô u yeren la.

Upasalmi 44:19

shin er U gem U her se je se hingir ijiir i ugbaseela, man U cir se mure u kuugh iyol nahan kpaa.

Yesaia 9:1

Ime kera ngi sha ci u un u a lu ken ican la ga. Sha ayange a ngise la A gema tar u Sebulon kua u Nafetali, hingir kwagh u iheenegh; kpa sha ayange a masetyô yô, Una civir ian i yemen shin zegemnger, yande Yordan, veghertar u akuraior la.

Yesaia 9:2

Ior mba ve zenden ken ime, ve nenge iwanger i vesen; mba ve tem ken tar u mure u kuugh la kpaa, iwanger ta sha a ve.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Amoshi 5:8

Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Mika 7:8

De kera ember sha a mo ga, we orihom wam, mea gba kpaa, shi me mough; mea tema ken ime kpaa, TER Una lum iwanger.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.