Mateu 4:1 - ICIGHAN BIBILO

¹ Zum la Jijingi yem a Yesu ken taaikôngo, sha u diabolo a̱ za mee Un yô.

Mateu 4:1 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

2 Utor 2:16

Ve kaa a na er: Nenge, ior mba taver ayol akunduahargber, mba heen, a mbayev ou imôngo, shi rumun, ve̱ za ker teru, gayô, alaghga Jijingi u TER kende a na sha, za gbihi un sha ma uwo, shin shin ma pev. A kaa er: De tindin nen ga.

Esekiel 11:1

Tsô Jijingi kendem sha, A va a mo hen hunda u iyou i TER, u sha ityoughkitaregh u u ver ishigh sha ityoughkitaregh la; nenge, hen kpehunda la ior lu ikundu kar utaan, m nenge Yaasania wan u Asur ker atô ve kua Pelatia wan u Benaia, atiator.

Esekiel 11:24

Nahan Jijingi kendem sha, va a mo, ken mpase u sha mnenge u sha Jijingi u Aôndo, ken Kaldia, hen mba ve lu uikangen la. Nahan mpase u m nenge a mi la kôndo yem sha, undum.

Esekiel 3:12

Tsô Jijingi kendem sha man m ungwa ihuran i iov i vesen ken ijime yam i gba kaan er: I̱ wuese icivir i TER hen ijiir Na i teman.

Esekiel 3:14

Tsô Jijingi kendem sha yem a mo; m yem a ishima i vihin, sha mtsee u jijingi wam, man uwegh ku TER lu sha a mo taveraa.

Esekiel 40:2

Sha mbampase mba Aôndo, A za a mo ken tar u Iserael, A verem sha uwo u taven tsung, kwagh lu sha mi er ka gar nahan, vegher u ken imbusutariyan la.

Esekiel 43:5

Tsô Jijingi kendem sha, va a mo ken tembe u ker atô; yô, nenge, iengem i TER iv ken iyou.

Esekiel 8:3

Tsô A naregh kwagh, lu er ka uwegh nahan, a kôrom sha ice i sha ityou; tsô Jijingi kendem sha gbihi tar shin, gbihi kwavaôndo sha, man A yem a mo hen Yerusalem ken mbampase mba Aôndo, hen ijiir i nyôron hen hundagar u ker atô, u u ver ishigh ken imbusutarimese la, henpe eev mbu nan iwuhe lu, mbu bamen sha iwuhe la.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

Aerenakaa A Mbaapostoli 8:39

Mba dugh shin mnger yô, Jijingi u Ter tôô Filibu yem a na kera, or u eren tom ken ya u tor la kera nenge a na ga, gadia a gba yemen zende na a iember.

Mbaromanu 8:14

Ve mba Jijingi u Aôndo A hemen ve la cii, ka ônov mba Aôndo je la.

Mbaheberu 2:18

Un iyol Na ican er Un, sha imeen i i lu meen Un la, ka sha ci u nahan man A fetyô u wasen mba i lu meen ve la ye.

Yakobu 1:14

Kpa hanma or ka i mee nan zum u asaren a nan iyol i nan ka a urugh nan a hôn nan la.