Mateu 3:6 - ICIGHAN BIBILO

⁶ a er ve batisema shin ifi u Yordan, ve lu pasen asorabo a ve.

Mateu 3:6 Iomraidhean Croise

Esera 10:1

Tsô er Esera lu eren msen, pasen kwaghbo, vaan, gbidyen iyol inya sha ishigh ki iyou i Aôndo yô, ikpelaior kpishi due ken Iserael, nomso man kasev kua mbayev, ve va kohol her a na, ve gba vaan tsung je.

Upasalmi 32:5

M pase isholibo yam sha ishigh You, ifer yam kpaa m yer U ga, m kaa mer, me pase TER akaabo a am; tsô We U dem ibo i isholibo yam Sela.

Anzaakaa 28:13

Or u nan cir akaabo a nan yô, nana zua a iveren ga, kpa u nan pase a, shi nan undu a yô, nana zua a mhôônom ma zungwen.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Levitiku 16:21

Yô, Aron a̱ penda ave na ahar cii sha ityough ki kpev u uma la, a̱ pase afer a Mbaiserael cii sha mi, akaabo a ve, asorabo a ve la cii; a̱ haa sha kpev la; tsô a̱ na un sha ikev i or u i vande veren nan yô, nana̱ yem a mi ken desereti;

Levitiku 26:40

Zum la vea pase afer a ve man afer a uter vev sha mimi ga ve, u ve er a Mo sha mimin ga la, man shi er ve lu hendan a Mo kpaa yô,

Numeri 5:7

nana̱ pase kwaghbo u nan er la; nahan nana̱ hide a kwagh u nan lu a ibo sha mi la her vough, nana̱ seer môm-ken-utaan sha mi, nana̱ na or u nan er nan kwaghbo la.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Marku 1:5

Tsô tar u Yudia cii kua mba ken Yerusalem kpaa, ve due ve za her a na; a er ve batisema shin ifi u Yordan, ve lu pasen asorabo a ve.

Luka 1:16

Man una gema ior kpishi ken Mbaiserael una va a ve hen Ter Aôndo ve.

Luka 3:16

Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Aerenakaa A Mbaapostoli 1:5

Gadia Yohane yô, er batisema sha mnger, kpa ne yô, á er ne batisema sha Icighan Jijingi, ayange kpaa kera shi ngee ga.

Aerenakaa A Mbaapostoli 11:16

Tsô m umbur kwaghôron u Ter er lu kaa er: Yohane yô, lu eren batisema sha mnger, kpa ne yô, á er ne batisema sha Icighan Jijingi.

Aerenakaa A Mbaapostoli 19:18

Ior kpishi ken mba ve na jighjigh yô, ve va, ve va rumun kwaghbo ve, ve va pase aeren a ve.

Aerenakaa A Mbaapostoli 22:16

Man hegen yô, ka nyi u timbiri? Mough sha, i̱ er u batisema, i̱ ôô u asorabo a ou kera, i̱ yila sha iti Na.

1 Mbakorinte 10:2

Ve cii i er ve batisema ken Mose, ken ibeen kua ken zegemnger la.

Mbakolose 2:12

gadia i ii ne a Na imôngo ken batisema. Ka sha mi kpaa man i nder ne a Na imôngo sha ci u ne ne agee a Aôndo u A nder Un shin ku la jighjigh yô.

Mbaheberu 6:2

shin ityesen sha kwagh u batisema, shin ave a pendan, shin mnder u mbakpenev, shin ijirôron i tsôron la kpaa ga.

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.

Yakobu 5:16

Pase nen akaabo a en ayol a en, shi er nen msen sha ci u ayol a en sha u angev mbu̱ bee ne yô. Msen u eren tsung u orperapera ngu a agee kpishi je.

Yosua 7:19

Tsô Yosua kaa a Akan er: Wan wam, shi civir TER, Aôndo u Iserael, wuese Un, kaam kwagh u u er la hegen je, de yeren mo un ga.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Yohane 1:9

Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.