Mateu 3:12 - ICIGHAN BIBILO

¹² tser ngu sha uwegh Nagh, Una ese vande Na tsembelee, Una kohol uwua Na, una za ombo sha una, kpa akoo yô, Una nande sha usu u pirin mayange ga.

Mateu 3:12 Iomraidhean Croise

Yobu 21:18

Man ve hingir er atôayia sha ahumbe, man er akoo a ahumbe a taver a purugh a mi kera nahana?

Upasalmi 1:4

Mbaaferev yô, mba nahan ga; ve yô, mba er imough i ahumbe a purugh a i yô,

Upasalmi 35:5

Ve̱ hingir er imough i ahumbe a purugh a min, zum u Ortyom u TER a lu zendan ve yô;

Yesaia 1:31

Or u ageegh kpaa nana hingir er vuwe ada nahan, tom u nan kpaa ua lu er amaramausu nahan, ve uhar cii vea hia imôngo, ma or u pirin nana lu ga.

Yesaia 17:13

Akuraior ka a hura er ihuran i mngerem ma kpishim yô, kpa Una zôhô a ve, tsô vea nyôngoso vea yem ca je, á num ve er imough i sha iwo, i ahumbe a purugh a i yô, man er ihundu i hiar sha ishigh ki uraahumbe nahan.

Yesaia 27:4

M yugh je ga; usagher kua usaa ma ve lu ase ihom a Mo! Yô, ma M te sha a ve, ma M nande ve ci ca

Yesaia 28:28

Alakema u eren bredi a mi la or hemben unu? Ei, ka nan zer gbidyen gbem ga; shin er ka nan kar a ikaver u ikyekye kua anyinya sha mi kpaa mba hemben un ga.

Yesaia 30:24

Abua man agumajaki a a kaha inya la aa ya kwaghyan u i we bar sha mi, u i peer un sha tser man i tsaan un sha lalia yô.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 66:24

Vea due vea za kenger akom a ior mba ve hendan a Mo la, gadia ijôô ve ia kpe ga, man usu ve kpa á pir u ga; vea hingir kwagh u ndôhôr uumace cii ishima.

Yeremia 15:7

M peer ve sha tser hen ihinda i tar ve la; M tsuwe ve ônov kera, M tim ior Av; ve undu igbenda ve la ga.

Yeremia 17:27

Kpa aluer nea ungwam ga, nea rumun u tseghan iyange i memen ga, man u den ikav mbi tôôn nyôron a mi hen ihinda i Yerusalem sha iyange i memen ga, nahan Me keer usu hen ihinda na, ua hia ayou a utor a Yerusalem, á kera pir u kpaa ga.

Yeremia 4:11

Hen shighe la á kaa ior ne kua Yerusalem er: Ahumbe a tseen a a dugh sha agungu a penem penem ken taaikôngo, nga karen yemen hen wankwase u ior av, kpa ka sha u peer ga, shin sha u wanger kpaa ga;

Yeremia 51:2

Me tindi Babilon a mbayegher, vea yegher un, vea er tar na ua hingir gbilin; gadia vea kase un a num vea tser, sha iyange i ican la.

Yeremia 7:20

Sha ci u nahan yô, Ter AÔNDO ngu kaan nahan er: Nenge, á haa iyugh Yam kua ishima i vihin Yam sha ijiir ne, sha or man sha zendenya man sha ikon i ken akôngo, kua sha iyiav mbi hen inya; ia hia a kera, á pir i ga.

Hosea 13:3

Nahan yô, vea hingir er ibeenegh ki pepegh yô, man er avure a ka a ndoor fese nahan, er imough i ahumbe a purugh a i kera sha vande u gbiren iyiav nahan, man er mnyim ma duen ken ityam i mnyi yô.

Amoshi 9:9

Gadia, nenge, Me na zwa, Me yegher ya u Iserael ken akuraior cii, er ka i yegher uwua sha tser nahan, nahan kpaa ishange i môm ia gba inya ga.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Mateu 13:30

Yô, de nen i cii, i̱ vese imôngo zan zan shighe u sundan; man sha shighe u sundan yô, me kaa a mbasundan mer: Vande sangen nen ivor i bo la kera man kange nen aile aile sha u za nanden; kpa gema kohol nen uwua, za ombom sha wuna.

Mateu 13:41

Wan u or Una tindi mbatyomov Nav, man atôakaa a nan gbev mbu nôngon ci ca, man mbavendan atindi kpaa vea kura ve ken tartor Na kera,

Mateu 13:42

vea haa ken igyamusu; keregh la mliam maa lu kua anyi a yan.

Mateu 13:43

Shighe la mbaperapera vea engem er ka iyange nahan sha tartor u Ter ve. U nan lu a ato a ungwan yô, nana̱ ungwa.

Luka 3:16

Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Luka 3:17

Tser ngu sha uwegh Nagh, Una ese vande Na tsembelee, Una kohol uwua Na Una za ombo sha una Na; kpa akoo yô, Una nande sha usu u pirin mayange ga.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.