Mateu 3:11 - ICIGHAN BIBILO

¹¹ Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Mateu 3:11 Iomraidhean Croise

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yesaia 44:3

Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Mateu 3:6

a er ve batisema shin ifi u Yordan, ve lu pasen asorabo a ve.

Marku 1:4

Yohane va, lu eren batisema ken taaikôngo, lu ôron kwagh u batisema u mgemshima sha u den asorabo.

Luka 1:17

Una za Un sha ishi a jijingi u Eliya man agee a na, sha u una gema asema a uter a̱ hide hen uôn, man una gema mbahembanato sha mfe u mbaperapera, sha u una sôr Ter nongo u i vande veren u a ver je.

Luka 3:16

Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Luka 3:3

A va ken iningir i tar u ifi u Yordan cii, lu pasen kwagh u batisema u mgemshima sha u den asorabo;

YOHANE 1:15

Yohane gba pasen kwagh Na, genger imo kaan er: Ngun ka Un u m ter Un, m kaa mer, Un u A lu van ken ijime yam la, ngu tamen a mo, gadia vande lun a mo.

YOHANE 1:30

Ka Un shon u m kaa mer: Orgen ngu van mo ken ijime ngu tamen a mo, gadia A vande lun a mo.

Aerenakaa A Mbaapostoli 1:5

Gadia Yohane yô, er batisema sha mnger, kpa ne yô, á er ne batisema sha Icighan Jijingi, ayange kpaa kera shi ngee ga.

Aerenakaa A Mbaapostoli 19:4

Kpa Paulu kaa er: Yohane yô, er batisema sha batisema u mgemshima, lu kaan a ior er, ve̱ na Un u A lu van ken ijime na la jighjigh ka Yesu je la.

Aerenakaa A Mbaapostoli 8:36

Tsô mba ngur yemen sha gbenda yô, ve za ar hen mnger. Or u eren tom ken ya u tor la kaa er: Mngerem kpaa man, man ka nyi je i yange u eren mo batisema? [

Aerenakaa A Mbaapostoli 8:38

Tsô a kaa, i̱ tile un a ikyekye; ve uhar ve hungwa shin mnger, Filibu vea or u eren tom ken ya u tor la; a er un batisema.

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.