Mateu 28:5 - ICIGHAN BIBILO

⁵ Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye.

Mateu 28:5 Iomraidhean Croise

Yesaia 35:4

Kaa nen a mba ve lu a ishima i cian kwagh yum la, ner: Taver nen, de cie nen ga; nenge, Aôndo wen Una va a iyevoron; man mtsaha u Aôndo; Una va á va yima ne.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Daniel 10:12

Tsô a kaa a mo er: De kera cie ga, Daniel; gadia hii sha iyange i u hii veren ishima sha u kaven man u hiden a iyol you ijime sha ishigh ki Aôndo wou la je, i ungwa kwaghôron wou, man m va ka sha kwaghôron wou la.

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Mateu 14:27

Kpa Yesu ôr kwagh a ve, kaa er: Taver nen ishima, ka Mo, de kera cie nen ga.

Mateu 28:10

Tsô Yesu kaa a ve er: De cie nen ga, za za kaa nen anmgbianev Av, ve̱ za Galilia, ka keela ve a za nenge a Mo ye.

Mateu 28:4

Er mbakuran mbala cia un kpishi yô, akarkase gbidye ve iyol, ve hingir er mbakpenev nahan.

Marku 16:6

Kpa a kaa a ve er: I̱ de kera cier ne iyol ga; ne mba keren Yesu u Nasareti, u i mande Un sha terankon. A nder, ngu heen ga; nenge nen henpe i ver Un la.

Luka 1:30

Ortyom la kaa a na er: De cie ga, Maria, gadia u zua a mrumun u sha mhôôn her Aôndo.

Luka 24:5

Cier ve iyol ve kuma ishiv inya, tsô mbala kaa a ve er: Ka nyi ne keren or u uma hen mbakpeneve?

Aerenakaa A Mbaapostoli 2:24

kpa Aôndo nder Un, A sagh mnyoonom ma kuugh kera sha ci u u fetyô u kusun Un ga yô.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?