Mateu 28:3 - ICIGHAN BIBILO

³ Mluashe na lu er ka inyiar nahan, akondo a na kpaa kungu segh segh er awombo nahan.

Mateu 28:3 Iomraidhean Croise

Upasalmi 104:4

A gema ahumbe a hingir mbatyomov Nav, man iniomborusu hingir mbatomov Nav.

Daniel 7:9

Er m lu kenger her yô, i ver mkônom ma torom; or u tsan sha won kar za tema, akondo a na kungu er senou nahan, man ice i sha ityough nagh kpaa lu er mou u wang nahan; ikônough Nagh ki torough ki teman sha mi lu inyomborusu akaver a na lu usu u yeghen.

Mateu 17:2

tsô i gema iyol Na sha ishiv vev; ishigh Nagh engem er iyange nahan, akondo Na kpaa kungu segh segh er iwanger nahan.

Mateu 28:4

Er mbakuran mbala cia un kpishi yô, akarkase gbidye ve iyol, ve hingir er mbakpenev nahan.

Marku 16:5

Mba nyer ken uwar la yô, ve nenge wanyekwaor tema ken uwegh ku yanegh, haa gôgôriga u pupuu; cier ve iyol.

Marku 9:3

Akondo a Na gema engem, kungu segh segh, er orkilenakondo kungun a u shin tar ne mayange nana fatyô u kungun a nahan ga.

YOHANE 20:12

a nenge a mbatyomov mba Shaav uhar ve haa akondo a pupuu iyol, ve tema, u môm sha ityou, u môm shin angahar her ape ikom i Yesu i vande lun la.

Aerenakaa A Mbaapostoli 1:10

Er ve lu kenger Sha heregh er A lu yemen yô, ior ihiar tile a ve a akondo a pupuu iyol,

Mpase U Yohane 10:1

M shi m nenge ortyom u Sha ugen, u ageegh, lu senen Sha, a cir ibeenegh iyol, ikume i sha aôndo kpaa lu sha ityough nagh, ishigh nagh lu er iyange nahan, angahar a na lu er mtôm ma usum nahan.

Mpase U Yohane 18:1

Ken masetyô u akaa ne yô, m nenge ortyom u Sha ugen lu senen Sha, lu a tahav mbu vesen, tar kpaa wanger sha iengem na la.