Mateu 28:18 - ICIGHAN BIBILO

¹⁸ Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Mateu 28:18 Iomraidhean Croise

Upasalmi 89:19

Iyange U ôr kwagh a or u i doo U a na la sha mpase u sha mnenge, U kaa Wer: M ver iwasen sha or u a lu a tahav, M kende a or sha, u i tsough un ken ior yô.

Upasalmi 89:27

Mo Me gema un, una hingir waniunda, u hemban utor mbagenev mba sha won cii.

Anzaakaa 8:15

Ka sha a mo utor ve tem tor, man mbatarev kpaa ve kur ajir ye.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 16:28

Mimi je M kaan ne ne, mba ve til heen ne, mbagenev ker ka mba vea bende a ku je ga, saa vea vande nengen a Wan u or Una lu van ken tartor Na ve.

Mateu 26:64

Yesu kaa a na er: U kaa tsô! Kpa M ngu kaan ne Mer; hii hegen je né nenge Wan u or Una tema ken uwegh ku yanegh ku Ageegh, man Una va sha abeen a sha kwavaôndo.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 13:3

er Yesu A fe er Ter gema akaa cii wa Un sha ikev man shi er A fe er Un due hen Aôndo, shi Una za sha Aôndo yô,—

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 3:31

U nan sen Sha yô, nan hemba cii, u nan dugh shin tar ne yô, ka di u shin tar ne je, shi ka nan ôron kwagh u shin tar kpaa. U A dugh Sha, A hemba cii.

YOHANE 3:35

Wan doo Ter ishima, nahan A na akaa cii sha ikev Na.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 2:36

Nahan ya u Iserael cii a̱ fa dedoo er: Yesu u ne mande Un sha terankon la, ka Un je Aôndo a gem Un A hingir Ter man Kristu kpaa ye.

Mbaromanu 14:9

Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa.

1 Mbakorinte 15:27

Gadia A gema akaa cii A wa sha ikev Na A ver shin angahar a Na je, kpa zum u i kaa er: I gema akaa cii hingir sha ikev Na yô, wanger er Un u A gema akaa cii A wa sha ikev Na la i we Un ker ga yô.

Mbakolose 2:10

Man ne mba a m-iv la ken a Na, Un u A lu ityough sha mbatarev man tahav cii la.

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.

Mbaheberu 2:8

U gema akaa cii U ver shin angahar a nan, hingir sha ikev i nan je Gadia sha mver u A ver akaa cii sha ikev i nan la yô, A kera shi a ma kwagh u a lu sha ikev i nan ga ze. Hegen yô, se mba a nenge i ver akaa cii sha ikev i nan ve ga.

1 Peteru 3:22

A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.