Mateu 28:10 - ICIGHAN BIBILO

¹⁰ Tsô Yesu kaa a ve er: De cie nen ga, za za kaa nen anmgbianev Av, ve̱ za Galilia, ka keela ve a za nenge a Mo ye.

Mateu 28:10 Iomraidhean Croise

Mateu 14:27

Kpa Yesu ôr kwagh a ve, kaa er: Taver nen ishima, ka Mo, de kera cie nen ga.

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Mateu 25:45

Tsô Una gema Una kaa a ve er: Mimi je M kaan ne ne, er ne er nahan a mô u ken mba hemban gban ijime mban ga yô, ka Mo je ne er a Mo nahan ye.

Mateu 26:32

Kpa Me nderen shin ku kera yô, Me hemen a ven u zan sha Galilia.

Mateu 28:16

Tsô mbahenen mba pue kar môm mbala yem sha Galilia hen uwo u Yesu kaa ve la.

Mateu 28:5

Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye.

Mateu 28:7

Za nen fefa je, za kaa nen mbahenen Nav ner, A nder shin mbakpenev, nenge ngu hemen a ven u zan sha Galilia; ka keela né za nenge a Na ye. M kaan ne je ne.

Mateu 28:9

Tsô Yesu va kohol ve, kaa er: M sugh ne! Ve va gba Un ave angahar, ve civir Un.

Marku 16:7

Kpa za, za kaa nen mbahenen Nav man Peteru ner: Ngu hemen a ven u zan sha Galilia, ka keela né za nenge a Na ye, er lu kaa ne nahan.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

YOHANE 6:20

Kpa A kaa a ve er: Ka Mo, de cie nen ga.

Mbaromanu 8:29

Gadia mba A vande fan ve la, A vande veren ve er ve̱ lu inja i môm a mlu u Wan Na sha u Una lu Waniunda ken anmgbianev kpishi yô;

Mbaajiriv 10:16

Tsô ve dugh mbaaôndo mbagenev ken a ve kera, ve gema ve civir TER; nahan ishima vihi Un sha ci u ican i Iserael.