Mateu 27:52 - ICIGHAN BIBILO

⁵² iwar kpaa bugh, ayol a uicighanmbaiorov mbagenev kpishi mba ve vande kpen kera la nder,

Mateu 27:52 Iomraidhean Croise

2 Utor 13:21

Tsô mba ngur iin orgen yô, ve ta ashe ve za nenge ikumutya, nahan ve gbihi orkpen la shin uwar u Elisha; er orkpen la za bende a akuhe a Elisha yô, a nder, a tile sha, sha angahar a na.

Yesaia 25:8

Una tim ku sha won kera; Ter AÔNDO Una ese mliam sha ishiv mbi iorov cii, man shi Una hide a ilyahan sha ior Nav kera sha won cii; gadia ka TER je, A er kwagh ne ye.

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Hosea 13:14

Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

YOHANE 11:11

A ôr akaa ne; tsô A kaa a ve er: Huror wase Lasaru ngu yaven, kpa Me za me za nder un.

Aerenakaa A Mbaapostoli 7:60

Tsô a gure inya, a genger imo taver taver er: Tere, de ne ve ibo sha isholibo ne ga! Kaan nahan yô, maa a sule.

1 Mbakorinte 11:30

Ka nahan man mbagenev kpishi ken a ven ve lu aseeraior, ve lu dedoo ga kpaa ye, mbagenev kpe kera je.

1 Mbakorinte 15:20

Kpa mimi je i nder Kristu shin mbakpenev, ka iyiagh ki tsutswagh ken mba ve kpe kera la.

1 Mbakorinte 15:51

Nenge, ka kwaghmyer je m lu ôron ne ye. Ka se cii sé kpe ga, kpa á va gema se cii.

1 Mbatesalonika 4:14

Aluer se na jighjigh ser, Yesu kpe, shi hide nder yô, kape mba ve kpe ken Yesu la kpaa, Aôndo Una va a ve a Na imôngo.

1 Mbatesalonika 5:10

A kpe sha ci wase sha er shin sea lu per, shin sea hungul mnyam kpaa, sé lu uma a Na imôngo.