Mateu 27:4 - ICIGHAN BIBILO

⁴ a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

Mateu 27:4 Iomraidhean Croise

1 Utor 21:27

Tsô, zum u Ahaba ungwa akaaôron ne yô, a ande akondo a na, a ta ikondo uya, a hôr kwaghyan, a yav a ikondo uya, a gba zenden teghelee teghelee.

2 Utor 24:4

man shi sha ci u awambe a mbaishôôv a a haa yô; gadia a iv Yerusalem a awambe a mbaishôôv nahan TER rumun u den ibo la ga.

Yobu 13:4

Kpa ne yô, ne mba samber a aie, ne mba mbatwerev mba lun a inja ga.

Yobu 16:2

M vande ungwan imbaakaa ne kpishi; ne cii, ne mba mbasurunshima mba injaav ga.

Upasalmi 94:21

Ve zua sha u tan num sha uma u orperapera, ve na orishôôgh ibo.

Ekesodu 12:31

A yila Mose man Aron tugh tugh, a kaa er: Mough, due nen ken ior av kera, ne kua Mbaiserael, yem za civir nen TER er ne kaa nahan.

Ekesodu 9:27

Tsô Farao tindi, i yila Mose vea Aron, a kaa a ve er: Hen shighe ne yô, m er kwaghbo; ka TER A lu a ishô ye, mo kua ior av se mba a ibo.

Anzaakaa 12:8

A wuese or sha kwaghfan u nan, kpa or u lun a ishima i dang yô, á laha nan.

Yeremia 26:15

kpa fa nen mimi je, aluer né wuam yô, né va a awambe a orishôôgh sha ityough yenegh kua sha gar ne, man sha mba ve tem ker; gadia mimi je, TER tindim her a ven er m̱ or akaa ne cii sha ato a en.

Yona 1:14

Nahan ve vaa a TER, ve kaa er: TERE, shi de timin se sha ci u uma u or ne ga, man de ne ike i awambe a orishôôgh i̱ kôr se ga; gadia TERE, We, U er kwagh u a doo U yô.

Mateu 27:19

Tsô er a tema sha ikônough nagh ki orjir yô, kwase na tindi loho her a na er: Dugh ave ou sha kwagh u Or u perapera la kera, gadia nyian tugh ican erem kpishi ken mnya sha ci Na.

Mateu 27:54

Torutya kua mba ve lu a na imôngo, ve kuran Yesu la, zum u ve nenge mtenger u tar man akaa a a er la yô, cier ve iyol kpishi ve kaa er: Mimi je, Ngun lu Wan u Aôndo.

Luka 23:22

A shi a ôr a ve kuma acin atar er: Ka nyi kwaghbo Or ne a ere? M zua a ma ityôkwagh sha u á wua Un ga; nahan me gbidye Un, tsô me pase.

Luka 23:41

I yase ne yô, ka sha mi je, gadia se ngohol injar kuma sha akaa a se er vough, kpa Or ne yô, A er ma kwagh u lun kpe ga.

Luka 23:47

Tsô er torutya la nenge kwagh u a er la yô, a gba civir Aôndo, kaan er Or ne lu Or u mimi keng je.

YOHANE 19:7

Mbayuda gema kaa a Na er: Se mba a tindi man sha tindi wase la yô, A kuma ku, sha ci u A veren iyol er Un ngu Wan u Aôndo je yô.

Aerenakaa A Mbaapostoli 13:28

shin er ve zua a ityôikaa i i kom ku her a Na ga nahan kpaa, ve zamber a Pilatu er, i̱ wua Un.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.

1 Timoteu 4:2

Ka sha imanger i mbaaiev mba i ver ve ikav ken imo i ken asema a ve er ka sha iyôgh ki acivin nahan.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

Mbaheberu 7:26

Gadia ka imbazegepristi ne i kom se ye; ka u wang, u lun a ibo ga, shin acôghol a wan iyol kpaa ga, u a lu paleghaa a mbaasorabo, man u i kende Un sha A kar Usha cii.

1 Peteru 1:19

kpa lu sha awambe a injaa a Kristu er ka a waniyôngo u lun a acôghol iyol ga, ihogholough kpaa ga nahan.

1 Yohane 3:12

i̱ de luun er Kain u a due ken Orbo man a wua anngô na la nahan ga; man i lu sha ci u nyi man a wua unu? Ka sha ci u aeren a na lu a bo, kpa a anngô na gema lu a perapera yô.

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.

1 Samuel 15:24

Tsô Saulu kaa a Samuel er: M er kwaghbo; gadia m wa imo i TER kua akaaôron a ou iko ga, sha ci u m cie ior, m er sha imo ve yô.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.

1 Samuel 19:5

gadia a wa uma na iko ga, a hemba Orfiliti la, nahan TER na Iserael cii mhembe tseer tseer, we kpaa u nenge, u ember je; man ka nyi ú tôô ike i awambe a or u ishôôgh, ú wua Davidi a ityôikaa ga?